زبانحال حضرت زینب (س)
.
✍️ زبدة الاشعار ✍️
.
🆔: @nohe_torki
.
حاج #مجید_محمدی_هشترودی
.
گل آنام اوغلی جان ویرور باشی بلالی زینبون
قبرینه غصّه لی گیدور یاسلی عزالی زینبون
.
.
غربت اولان مکانیده درک ایله قارداشیم منی
جان یتشوب دوداقیمه گوزلریم آختارور سنی
حالون اولار بهم حسین گورسن اگر بو صحنه نی
قوش کیمی غصّه دن سینوب چون پر و بالی زینبون
.
.
مرگیده انتظاریوم زینبه تیز ئوزون یتور
یاره مه مرحم اولگلان زخم جراحتین یتور
عمروم حسین یتور باشا الده منه کفن گتور
سن بلوسن که غارته گتدی جلالی زینبون
.
.
زینبون آخر عمریدور چاتمور الیم بیر همدم مه
چون سنه احتیاجی وار لطفوی سن کم ایله مه
یوخدی رقیّه جان دیه جان دیمشم رقیّه مه
معجره بوکدی نیلسون خسته عزالی زینبون
.
.
ایندی ده سون نفسده من حسرتیم آلتی قارداشا
ظلمیله توش ایدوب فلک شیشه عمرومی داشا
کیمدی گوزومی باغلیان یوخدی باخان بو گوز یاشا
گل یوزه نیلسون توکور اشگیله آلی زینبون
.
.
ئولسه باجون بو یرده بس کیم دوتاجاق عزاسنی
یوخدی بیری بو دوره ده درک ایلسون صداسنی
یاسلیام آچمارام حسین ئوز باشمون قراسنی
قبر ایوینه گرک گیده باشی قرالی زینبون
.
.
جانیم ایله الولاشور شعله چکور دل و رگیم
باشی بلالی زینبه غصّه ویرور تک ئولمه گیم
کیم منه ایلیر کفن غسل ویرر بو یرده کیم
قانلی جمالی گورمگه واردی خیالی زینبون
.
#سبک_ای_حرمینه_ناز_ایدن … 3 سبک
.
#زینبیه_شهادت
#گل_آنام_اوغلی_جان_ویرور_باشی_بلالی_زینبون
#ترکی
.
✍️ #زبدةالاشعار ✍️
.
🆔: @nohe_torki
نظر دهید