گل باجی گل سندی بیلیم قارداشیم ئولدی #عباسیه_سعدی_زمان

زبانحال حضرت حسین (ع) به علیا مخدره در شهادت علمدار
.
.
.
.
مرحوم سعدی زمان
.
.
.
.
گل باجی گل سندی بیلیم قارداشیم ئولدی
گلمور بیلیم دوتمور دلیم قارداشیم ئولدی
رنگیم سارالدی
چارم آزالدی
ایباجی قارداشیم ئولدى
.
.
.
.
سویله سراسر عترتیم ایتسونله افغان
ئلدوردولر قارداشیمی بو قوم عدوان
صبر ایلیوم گلموم نجه افغانه هر آن
یاتدی علم آرخام ایلیم قارداشیم ئولدی
.
.
.
.
قارداشیم ئولدی یتدی غم بو دل حزینه
سولدوردولار گلزاریمی بو قوم کینه
سویله اله جام الماسون بیرده سکینه
ایتسون نوا اول بلبلیم قارداشیم ئولدی
.
.
.
.
ئولمشدی انصاریم بو گون گر چه سراسر
راحت یاتاردی خیمه ده اما حرملر
بوندان صورا راحت یاتانماز آل حیدر
دلده چوخالدی نسگلیم قارداشیم ئولدی
.
.
.
.
اولدی یقینیم ظلمیله بو قوم عدوان
بو چولده ایللّر منی آلقانه غلطان
آخر کسر بو باشیمی سو اوسته عطشان
جور و ستمله قاتلیم قارداشیم ئولدی
.
.
.
.
قولّارینی سالدی سپاه کفر طینت
سندی سپاهیم ویردی جان اول پاک فطرت
گلزاریمه اسدی سموم درد و محنت
سولدى خزان اولدی گلوم قارداشیم ئولدی
.
.
.
.
یتدی مرام و مقصده بو قوم اعدا
اولسون عیالیم گیتماقا شامه مهیا
قالدیم بو چولده دشمن ایچره باجی تنها
محبوبیم آرام دلیم قارداشیم ئولدی
.
.
.
.
گور نه آخور رخساریمه حسرتله قانیاش
یوخدور بو صحراده منه بیر یار و یولداش
منده گرک ایمدی گیدم آردینجا بیر باش
حل اولمیاندور مشگلیم قارداشیم ئولدی
.
.
.
.
فکر ایلمه من ناله دن باجی اوسانّام
تا وار نفس قارداش دیوب هجرینده یانّام
عباس آدی دلده بو گون قانه بویانّام
قالموب داخی بیر همدلیم قارداشیم ئولدی
.
.
.
.
آغلا «حسینی» تا واروندور الده فرصت
جدّون حسینه صدق اوزیله ایله خدمت
بو بیر سوزون اولسا قبول ایلر کفایت
گل باجی گل سندی بیلیم قارداشیم ئولدی
.
.
.
#عباسیه #سعدی_زمان #عباسیه_شهادت #ترکی #زبدةالاشعار