شهادت حضرت زهرا سلام الله علیها
..
..
#سبک_ای_حرمینه_ناز_ایدن … 4 سبک
مشابه
..
..
معروف اهری
..
..
گل باشیم اوسته یا علی فاطمه باغریقان گئدور
دار فنادن آیریلور جنّته میهمان گئدور
..
..
لحظۀ آخریمده گل عرضیمه امتسال ائله
حالیمی گور دردیمی بیل صبر ائدوب آز ملال ائله
من سنه سوزلریم دیوم سنده منی حلال ائله
دوقوز ایلون مصیبتون سینه ده ساخلیان گئدور
..
..
دوزدی بو دوقوز ایلده من نار بلاده یانمیشام
چون سنه پایبندیدیم صبر ائلیوب دایانمیشام
دشمنیمه دوگولموشم سندن علی اوتانمیشام
بیعتون اوسته حیدرون اللرینی آچان گئدور
..
..
غصه و درد و رنجیلن عمریمی وئرمیشم باشا
فاطمه نون مصیبتی نسگل اولوبدی داغ داشا
خون دلیله زینبون سنّی چاتوبدی بش یاشا
قیز آنادان یتیم اولار مادر مهربان گئدور
..
..
بیر جوت عزیز جانیمی قویما چوخ آغلاسون علی
شام عزا قوروب منه عالمی داغلاسون على
من غریبم دئنن حسن قاپلاری باغلاسون علی
ایله او محفل غمه زینبی نوحه خوان گئدور
..
..
عمر صفاسی گورمدیم من که مراده چاتمادیم
دلبر جانستانیمون فکرینی باشدان آتمادیم
دوشدی بابام خیالیمه صبح آچیلینجا یاتمادیم
اهل وطندن اولمادی گویلونی بیر آلان گئدور
..
..
بعضی قضیه قویمیور زینبه چوخ سوزوم دییم
نازلی قیزیم یتیم اولور وار یئرى من قان آغلیم
دردی منه گران گلور چون من ئوزوم یتیمه یم
هم آنا هم آتاسینون هجرینه آغلیان گئدور
..
..
فاطمه مثلی باشدان آت وار نه خیال عم اوغلی جان
پیک اجل گلوب باشا چاتدی وصال عم اوغلی جان
دوقوز ایلون قوناقینی ایله حلال عم اوغلی جان
سنّی جواندی فاطمه قدّی ولی کمان گئدور
..
..
غسل وئرنده سعی ائله ایلمه چوخ فغان علی
نیمۀ شبده دفن ائله قبریمی ائت نهان على
وئرمه اماندی زینبه کوینگیمی نشان علی
بیلمیه وار آناسینون پیرهنینده قان گئدور
..
..
قلبیمه اوت قاپیم کیمین ووردی مدینه ملّتی
چوخدی عم اوغلی سینه ده فاطمه نون جراحتی
نیمۀ شبده دفن اولام واردی بیر عمده علّتى
تک سنه ایلورم بیان قویما اولا عیان گئدور
..
..
ایستیورم که دشمنیم قصد اهانت ائتمسون
حقّیوى غصب ائدن سنه عرض ارادت ائتمسون
درگهی یاندیران گلوب دفنیمه شرکت ائتمسون
یاره لریم دوباره دن اولمیا خونفشان گئدور
..
..
..
#فاطمیه #معروف_اهری #فاطمیه_شهادت #ترکی #زبدةالاشعار
نظر دهید