بهاریه
گریز به شهدای کربلا
.
.
.
مرحوم هندی تبریزی
.
ایام گل و نوبت باغ و چمن اولدی
گل فصلی گلوب بلبله گلشن وطن اولدی
.
.
الحان دل آویزیله چون مرغ سحر گه
ووردی گینه بو صحن گلستانیده خرگه
گه گه که ایدر شاخ گل اوستونده او چه چه
سویلر نه عجب ساحت باغ و چمن اولدی
.
.
حلّ اولدی گوگلدن نه عجب عقدۀ سوسن
جنّاته دونوب صحن چمن ساحت گلشن
نرگس گوزآچوب گوردی دولوب شکیله خرمن
مخمور رخ سوسن و سرو و سمن اولدی
.
.
یوزدن گوتوروب مقنعه سین لالۀ نعمان
صد چاک ایلیوب پیرهنین غنچۀ خندان
آچدی باشینی توکدی یوزه زلفینی ریحان
سرمشق بو باش آچماقا چون یاسمن اولدى
.
.
.
باغ ایچره شقایق ائلیوب ایله تجلا
گویا که گوگه زینت اولوب عقد ثریا
حسرتله باخار وصل گل و بلبله جوزا
شبنم ورق گلده سهیل یمن اولدی
.
.
گلدن که هوا باشه چکوب چادر خوشرنگ
باران بهاری که رخ گلدن آپاروب زنگ
طوطی بیله موسمدن اولوب بس نیه دلتنگ
خاموش ندندی که او شیرین سخن اولدی
.
.
بولمم نیه بو فعلیده دلگیریدی بلبل
گلشنده چکوب باشه نه دی بال تأمل
قمری ایلمز شاخ طربده نیه غلغل
شیدایه چمن بس نیه بیت الحزن اولدی
.
.
گویا که گوروب صحن گلستان بلانی
بیر گوشه ده هم غنچۀ گلدان وفانی
هم بلبل دستانِ گلِ آلِ عبانی
ظلمیله جدا کیم گل و گلخانه دن اولدى
.
.
بستان وفاده یخیلوب سرو و صنوبر
قانه بلشوب صدر سمن زلف سَمَنبر
یعنی که دوشوب یر یوزونه قامت #اکبر
گل پیکری لاله کیمی خونین کفن اولدی
.
.
وار ابر بلاده نه گوزل بارش خوناب
قانیله قویوبدور دم فولادیده سیلاب
اولدی علی #اصغر اودی پیکانبله سیراب
سَمّ دم پیکان اونا شهد و لبن اولدى
.
.
اوخ حرمله شستینده چیخوب چونکه کماندان
گیچدی علی اصغر دن حسین اصغری جاندان
آتدى شه دین عرشه طرف بیرکف او قاندان
پس رنگ شَفَق زینت چرخ کهن اولدی
.
.
بلبل کیمی هر لحظه ایدوب فاطمه فریاد
سنسیز غم دل قویمادی بیر صبریده بنیاد
آچدی سر گیسوی خم اندر خمی #داماد
صحرا و بیابان شکن اندر شکن اولدى
.
.
یاتمیش او چمنده نه گوزل یاسه گل یاس
کلثوم گوروب دوتدی گل یاس کیمی یاس
دوشموش نیه شمشاد صفت قامت #عباس
آغشته قیزیل قانه او سیمین بدن اولدی
.
.
آثار خزان اولدی او گلشنده مرتب
گه سولدی گُلِ روی خزان دیدۀ #زینب
باغلاندی قولی شاخۀ گل تک بلى یا رب
بو قصّه دل شیعه ده اخگر فکن اولدی
.
.
سولدی ورق برگ تر شاخ امامت
سپدی یوزینه ابر قضا آب شهادت
تاپدی بو خزانیله او گلزار، طراوت
یعنی که مقام شهه گل پیرهن اولدی
.
.
مُشکیله دولوب گرچه گلستان مجازی
یوخ کرب و بلانون ولی بو فخره نیازی
گه نافۀ پرخون غزالان حجازی
آغوشه چکوب رَشک ختا و ختن اولدی
.
.
«هندی» قلموندن توکولور بحر ملالون
تأیید حسین دور زهی بو هجر و وصالون
چون شور #حسینیله دولوب طرز مقالون
اهل دل ایچون حسرت دُرّ عدن اولدی
.
.
#بهاریه #حسینیه_شهادت #عاشورا #عاشورا_هندی_تبریزی #حسینیه_هندی_تبریزی
#ایام_گل_و_نوبت_باغ_و_چمن_اولدی
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید