یا مهدی
#گریز به #عاشورا #قتلگاه
.
✍️ زبدة الاشعار ✍️
?: @nohe_torki
.
مهدی فعال
.
لعل لب نگار یانیندا عسل ندی
مین لر قصیده آزدی اوشاهه غزل ندی
.
کیم اولسا عبد درگه اولاد فاطمه
اوندا بیلر اذانداکی خیرالعمل ندی
.
وعده وئروبله دولت فتح وظفر گلر
بیللوخ که شهر طیبه ی بی مثل ندی
.
حسن عزیز مصری اولار که دیور بیزه
مهدی آقام گلنده بیله للر گوزل ندی
.
گل صورتیندن ائتسه نقابین اگر کنار
اوندا بیله لله معجزه ی لم یزل ندی
.
آیه یازوبدی ساق قولونا دستخط حق
آیه یازوبدی حق اونا شعر و غزل ندی
.
یوخ فرقی حیدریله که بت سیندیراندی بو
تیغی نیامیدن چیخا لات و هبل ندی
.
مصلحدی؛اهل صلحیدی دعوایه گلموری
حضرت دیل آچسا صحبته جنگ و جدل ندی
.
اما اگر که جنگ ائده ؛ بو حیدر اوغلیدور
گورروخ رشادت حسن اندر جمل ندی
.
غیظیله تیغی دگسه یره، یر دو شق اولار
دانش پژوهیلر بیلر اوندا گسل ندی
.
تیغ ایستمز که باشلارا فرمان ویرر： دوشون
طوفان ندی؛ خزان ندی؛ برگ خزل ندی
.
.
آخ بیر گوریدیم اول قدوبالای دلبری
قربان قیام قامتیوه؛ یابن العسکری
.
.
هردن ده عاشقین ئورگین نیمه جان ائله
سال گیر و دار درد و غمه، امتحان ائله
.
نوکر سنوندی، سنسن آقا صاحب اختیار
اولسا صلاح عمریمی غرق فغان ائله
.
ازبس که گلمدون ئورگیم اولدی دار غم
بیر وعده ایله نوکریوی خوش گمان ائله
.
دور فلک ذلیل ائلیوبدور عزیزلری
گل عزتین حسینچی لرین سن عیان ائله
.
سنسیز نقدری طعنه لری که إشیتمدوخ
بی صاحبان دهری عزیز جهان ائله
.
قربان اولوم گلن یولوا هاردا قالموسان
گل صوت یاحسینی کران تا کران ائله
.
مظلومی حقینه یتور ای عدل مرتضا
ظالم لرینده یاغلی غذاسین یاوان ائله
.
اول پایه ریز دولت اولاد فاطمه
آل علی حکومتینی جاودان ائله
.
باش چک بیزیم محله لره باشوه دؤنک
مسجدلرین تمامینی گل جمکران ائله
.
قوی شاخسین ایلدیریم کیمی پنجه نده ذوالفقار
ویر صیقلین ئورکلریده شادمان ائله
.
اول ربابین حرمله دن انتقامین آل
آل اصغرین آخان قانینی قانه قان ائله
.
.
ای زینبون ئورکده اولان صبر و تابی گل
هل من معین شاه شهیدین جوابی گل
.
.
قلبونده وار مین ایلدی هله داغ کربلا
بیر بیله آغلاما گوزیوه شیعه لر فدا
.
دایم گلور او ناحیه دن آغلاماق سسی
هر یرده سن ئورکلریمیز اوردادور آقا
.
وَالشِّمرُ جالِسٌ؛ قان ایدوب گوزده یاشیوی
سن آغلیاندا عالم اولور سنله همنوا
.
وَالشِّمرُ جالِسٌ… یوزی اوسته دوشوب امام
وَالشِّمرُ جالِسٌ… ائلیور لرزه کربلا
.
وَالشِّمرُ جالِسٌ… هله اوخ وار اوسینه ده
عرش خدایه چکمه لی چیخدی او بی حیا
.
وَالشِّمرُ جالِسٌ… آناسی مقتلینده دی
زهرا ال آتدی معجره قیشقیردی وای بالا
.
وَالشِّمرُ جالِسٌ… دئنن ای وای زینبه
زینب گرک نقدری مصیبت چکه خدا
.
راوی دیر که زینب علیا مکرمه
گوداله گلدی باشدا الی دیلده وا أخا
.
زینب گلنده خیمه ده بیرکس قالار مگر
یکسر توکولدی مقتله اولاد مصطفا
.
باخدی خانیم رباب ال ایاق چالدی شاه دین
گوردی یوز اوسته حضرتی سسلندی وای آقا
.
نامحرم ایچره اهل حرم لطمه ویردیلار
مجلسده ایندی باشه ویرار حجت خدا
.
ویررم قسم او عمه وه که اولدی باغریقان
عجل علی ظهورک یاصاحب الزمان
.
#مهدیه
#لعل_لب_نگار_یانیندا_عسل_ندی
#مهدی_فعال
#ترکی
.
✍️ #زبدةالاشعار ✍️
?: @nohe_torki
نظر دهید