گل غلام اکبری گوزدن آتما یاحسین #امان_نامه_ثابت_اردبیلی

امان نامه
زبانحال حضرت زینب(ع)
.
#زبدةالاشعار
.
: @nohe_torki
.
#سبک_مسلمون_شهادتی …
.
ثابت اردبیلی
.
گل غلام اکبری گوزدن آتما یاحسین
زینبون نواسنی چوخ اوجالتما یاحسین
.
.
شیر دل جوانیمی قوؤما بارگاهدن
یانماسون بو کربلا خاکی سوز آهدن
خردا قزلاریم حسین چخدی خیمه گاهدن
اشک چشمیوه جگر قانی قاتما یاحسین
.
.
باوفا وزیردور یادگار مرتضی
دینه ایلیر کمک جان نثار مرتضی
قولّارین ورر فدا گل عذار مرتضی
گل کیمین جمالینی سن سارالتما یاحسین
.
.
گر اجازه سی اولا حیدرانه جنگ ایدر
شمر باشنه بو گون کایناتی تنگ ایدر
کربلا ترابنی آنی سرخ رنگ ایدر
قانیلن بو گوز یاشین گل بویاتما یاحسین
.
.
جنگجو جوانیدور ماه رو برادرون
خیمه ده چوخ ایستیور شاهزاده اکبرون
صفلره شرر سالوب نور چشم حیدرون
زینبون بو قلبنی چوخ قرالتما یاحسین
.
.
شمره ایلیوب جواب نامه سین بؤلوب آتوب
تشنه لب شهید اولار چون مرادینه چاتوب
باوقاریدور جوان گوز یاشینا قان قاتوب
عرش اعظمه بو گون غم اوجالتما یاحسین
.
.
خیمه ده جوانیمی امتحانه چکمه چوخ
سرو قدّینه دگر رزمگهده سایسیز اوخ
نیلر اوندا یاحسین قولّاری بدنده یوخ
شیر دل جوانیمی گوزدن آتما یاحسین
.
.
دامنینه ال آتوب آشکاره ثابتی
دعوت ایلیوب اونی اشکباره ثابتی
حاجت اوندان ایستیور قلبی یاره ثابتی
ثابتون بو ناله سین چوخ اوجالتما یاحسین
.
.
.
#امان_نامه_ثابت_اردبیلی
#گل_غلام_اکبری_گوزدن_آتما_یاحسین
#ترکی
.
#زبدةالاشعار
.
: @nohe_torki