شهادت حضرت زینب سلام الله علیها
.
✍️ زبدة الاشعار ✍️
.
🆔: @nohe_torki
.
حاج #غلامعلی_آذری
.
گل هرایه ای منیم روحِ روانیم هارداسان
آز قالیر چیخسین حسین غربتده جانیم هارداسان
.
.
.
سن بیلیرسن قلبیمین واردیر نقدر یاره سی
اولماییب قارداش حسین اولماز بو دردین چاره سی
جان وئریر غربتده یالقوز گل وطن آواره سی
یوخ تکلّم ائتمگه تاب و توانیم هارداسان
.
.
.
مین مصیبتلر بیلیرسن که چکوب قارداش باشیم
گوز آچان گوندن آخوب رخساره دائم گوز یاشیم
نه باجیم وار داده گلسین نه علمدار قارداشیم
قالماییب قارداش داخی قلبیمده قانیم هارداسان
.
.
.
یدی قارداشدان بیری جان اوسته داده گلمدی
حالیمی بو جان ویرن دمده برادر بولمدی
هئچ باجی من تک حسین غربتده یالقوز اولمدی
قاوزانیب عرشه حسین داد آه و فغانیم هارداسان
.
.
.
من دئمم سن جان وئرنده قاچمیشام میدانه من
اول زماندا اولموشام اوز شمعیمه پروانه من
منّتی یوخدور سنه ائتدیم وفا پیمانه من
افتخاریمدور یولوندا گِئتدی جانیم هاداسان
.
.
.
یوخ توانیم تیتریری قارداش دوراندا دیزلریم
گل حسین اولما رضا قالسین اورکده سوزلریم
سن ئوزین آگاهیسان یولدا قالیبدیر گوزلریم
گل هرایه گلمیری نطقِ بیلنیم هارداسان
.
.
.
بیر کسین قلبی جهاندا من کیمی قان اولمادی
گوز آچاندان تا ئولونجه چشمی گریان اولمادی
دوشدوم ائیله درده که عالمده درمان اولمادی
گوزلریمی باغلا گل ای مهربانیم هارداسان
.
.
.
قول وئرمیشدیم رقیّه ئولمسم گللم بالا
قویمارام یالقوز سنی قول قبروه سالّام بالا
منده سنله یولداش اوللّام شامیده قالّام بالا
آز فالور که دینجله بو خسته جانیم هارداسان
.
.
.
« آذری » قان آغلا سنده تا جانیندا واردی جان
زینبه آغلار همیشه حضرت صاحب زمان
جان وئرنده سسله گلسین دادیوه اول باغری قان
سویله سین گلدیم اویان ای نوحه خوانیم هارداسان
.
#سبک_زینبم_جان_اوستیم … 4 سبک
.
.
#زینبیه_شهادت
#گل_هرایه_ای_منیم_روح_روانیم_هارداسان
#ترکی
.
✍️ #زبدةالاشعار ✍️
.
🆔: @nohe_torki
نظر دهید