گنه دوباره اورک ملکینی آلوب غملر #حضرت_حمزه_رمضانی_خاکی

حضرتِ حمزۀ سیدالشهداء علیه السلام
#گریزبه #قتلگاه
.
.
.
حاج روح الله رمضانی ( خاکی )
.
.
گنه دوباره اورک ملکینی آلوب غملر
اولوبدی اهل ولا فرط غصه دن مضطر
یتشدی روز عزای عموی پیغمبر
سرشک غمله دوباره دولوبدی گوزبلاغی
تزلیوبدی بوغصه اورکده کهنه داغی
.
.
جناب حمزه رسول خدایه سرلشگر
سپاه دینه اولان سرسپاه نام آور
قبایل عرب ایجره شجاعته مظهر
مطیع امرخدامصطفایه دلداده
اولان رشادتله غزوه لرده آماده
.
.
علی کیمی اوداشیرژیانه بنذردی
گورن مهارت جنگین دیردی حیدردی
آدین عدوایشیدنده وجودی تترردی
ویراندا پیکرکفره عتابلن شمشیر
سماده فوج ملائک دیردیلرتکبیر
.
.
پیمریله گدنده جهاده میدانه
گزردی نیزه سی الده اومردفرزانه
پیمبرین باشی اوسته مثال پروانه
آلاردی اوزجانینا خطرگونی خطری
اولاردی رغبتله پیمبرین سپری
.
.
همیشه حمله سی خصمه اونون شدیداولدی
مقابلینده عدواسدی برگ بیداولدی
خلاصه جنگ احد باشلالنوب شهیداولدی
اگرچه مثله اولوب جفائلن بدنی
واریدی حرمتله ولیک دفن ائدنی
.
.
اگرچه مثله اونی ائتدی خصم بداختر
داغتدی گل بدنین نوک نیزه وخنجر
یاراسین اورتدی ولیکن عبای پیغمر
پیمبراولمادی راضی اوحالیده بیر آن
صفیه باجیسی گورسون یارالارین عریان
.
.
گونوزبجادی اولا فرط غصه دن چون شب
باجی یانیندا بیرایش گوردی شمرلامذهب
ساچین یولوب دئدی قارداش اولیدی کاش زینب
گون ایستسینده قالوب بودوغرانان بدنون
کمکلرون قیریلیب یوخ ایندی دفن ائدنون
.
.
نه وار بیلکده الون نه وار بدنده باشون
اولوب سوسوزسو یانیندا وفالی قارداشون
آپارا خیملره یوخدی یار و یولداشون
شاخور یارالاروا ایستی گون بو صحراده
سینونده آت چاپا دشمن اولوبدی آماده
.
.
#حضرت_حمزه
#گنه_دوباره_اورک_ملکینی_آلوب_غملر
#رمضانی_خاکی
#ترکی
#زبدةالاشعار