گور نجه یانوندا سنون بابا قان توکن جماعت وُرور منی #کوچ_کربلا_سعدی_زمان

زبانحال دختر امام مظلوم بجسد مقدس امام علیه السلام
.
#زبدةالاشعار
.
: @nohe_torki
.
مرحوم سعدی زمان
.
گور نجه یانوندا سنون بابا قان توکن جماعت وُرور منی (1)
ایستورم دِیَم درد دل سنه لشگر ظلالت وُرور منی
.
.
بحر غمده چوخ غوطه وُرموشام یتمیشم شکسته سفینه وه
قویمیشام بو سیلی دَگَن یوزی بو یارالی صد پاره سینه وه
قانوی توکوب دویمیان قوشون گور نه ظلم ایدوبلر سکینه وه
اهل کینه ای ناخدای دین ایلیوب جسارت وُرور منی
.
.
من سخیلمیشام بیر پری سنان قوش کیمی شکسته بوداقوه
سایۀ حمایتده ساخلیوب آلموسان منی اوز قوجاقوه
باخ قوناقینی ئولدورنلره گور نه حرمت ایلور قوناقوه
دشمنون گورور بیکسم منه یوخ ایدن حمایت وُرور منی
.
.
من یتیمه دلخسته بیر قیزام نه معین اولان وار نه دادخواه
تازیانه اللّرده غیظیله بو جماعت رذل و دین تباه
جور و ظلمیله طالعیم کیمی گوندوزی منه ایلیوب سیاه
اوز بی بیم عقیله باخا باخا فرقۀ جهالت وُرور منی
.
.
جدّیمون بودور امری وُرمیون سالمیون اسیری مشقّته
بیر بالا یتیم اولسا دوگمیون چون نیازی چوخدور محبّته
بو یتیمه نی بو اسیره نی گور بابا سالوبلار نه حالته
گوئیا محبتدی هر گَلَن گوسترور عداوت وُرور منی
.
.
لاله تک منیم داغلیوبدولر اهل کین دل پاره پاره می
کوفیان آلوبلار وُرا وُرا قارداشیم آلان گوشواره می
هاردادی ابوالفضل عموم گوره قولّاریمداکی قمچی یاره می
غیرتی قبول ایلمز اگر گورسه بو جماعت وُرور منی
.
.
دل یانوب سزادور دلیم یانا بو شرر توکن بیر بلیّه دن
هاشمیّه لر نالیه گلوب جور و ظلم آل امیّه دن
یوخ امان گیدیم بیر خبر بُلوم فاطمه باجیمدان رقیّه دن
که عدو آچوب ال رقیّه وه گه ایدر اهانت وُرور منی
.
.
رسمدور آتاسی ئولن قیزون باشینه سالولّار قرا بابا
باشیمه منیمده سالوب قرا تازیانۀ اشقیا بابا
سهلدور منی آغلاماقلیقا قویموری بو اهلجفا بابا
ایستورم یواشدان سیزیلدیام ایلوری شماتت وُرور منی
.
.
قارداشی الیندن گیدن باجی ظلمیله آتاسی ئولن بالا
من کیمی اسیر اولسا دشمنه درد و محنته اولسا مبتلا
توکمز عارضه قانلو گوز یاشین ایلمز شکایت مگر بابا
کوفه نین شقی اهلی ایستورم ایلیوم شکایت وُرور منی
.
.
من سنه غلامم «حسینی ام» ای شهنشه انبیا غلام
سالموسان نظردن غلاموی ایلوری جسارت اودور لئام
جدّیمز ودیعه قویوب بیزی امّت احترام ایلسون تمام
احترامه باخ آدینی قویان امّت رسالت وُرور منی
.
.
(1) کتاب اللهوف سید بن طاووس ص 17 و مجلد عاشر بحارالانوار ص 229 عین عبارت : … ثُمَّ إِنَّ سُكَيْنَةَ اعْتَنَقَتْ جَسَدَ أَبِيهَا الْحُسَيْنِ فَاجْتَمَعَتْ عِدَّةٌ مِنَ الْأَعْرَابِ حَتَّى جَرُّوهَا عَنْهُ.
ترجمه: حضرت سكينه عليها السلام پيكر پدرش امام حسين عليه السّلام را در آغوش كشيد [ولى نگذاشتند كه سكينه در بالين پدر بماند] گروهى از اعراب اجتماع كردند و سكينه عليها السلام را از بالين پدر كشيده و جدا نمودند.
.
.
#کوچ_کربلا_سعدی_زمان
#گور_نجه_یانوندا_سنون_بابا_قان_توکن_جماعت_ورور_منی
#چهارده_معصوم_حسینی 161
#ترکی
.
#زبدةالاشعار
.
: @nohe_torki
.