حالات حضرت علی اصغر (ع)
.
.
مرحوم مضطر اردبیلی
.
.
کیم وورار چنگ توسل اصغرون دامانینه
تئز یتر مقصوده آند اولسون حسینون جانینه
.
.
آدی اصغر سنّی اصغر شأنی اكبر دور اونون
امری منظور دل ختم پیمبر دور اونون
درگهی درمانگاه حیّ داور دور اونون
گیت گورورسن اول جلالین محشرون دیوانینه
.
.
حشریده اجرا وئرور هر نحو میلی دور اونا
حاجتون وار هر کیمه مجنوندی لیلی دور اونا
جرمکاران همین امّت طفیلی دور اونا
منتظر جنّت جهنّم حکمینه فرمانینه
.
.
قارداشی شهزاده اکبردن مگر کم رتبه دور
رتبه سی اکبر کیمین واللهى اعظم رتبه دور
حضرت عباسیلن هم پایه و هم رتبه دور
منصب باب الحوائج نصب اولوب پیشانینه
.
.
حشر ده زهرا کمک ایستر گلر فوراً کمک
بیر طبق اوستینده بیر جوت قول گتورر بیر ملک
اصغری آلسون قوجاقینه ئوزی زهرا گرک
باغرینا باسسون پاپوشدیرسون ایکی پستانینه
.
.
دیل آچور دیل آچمیان اصغر گلور فوراً دیله
عرضینی عرض ایلیور درگاه حقّ عادله
بو سن و بو من خداوندا بو قانلیم حرمله
بیر منیم باخ حلقیمه بو قانلیمون پیکانینه
.
.
بو بوغازی که تیکان دگسه بولر امکانی یوخ
قاتلیم آتماقدا اوخ استاد قولدا قوّه چوخ
قولدا قوّه اوخ آتان گل یاپراقی اوچ شعبه اوخ
من بئله مظلوم اونون باخ ظلمینون میزانینه
.
.
جمع اولان کرب و بلایه اشقیادن آل قصاص
خولی و شمر لعین بی حیادن آل قصاص
حرمله منقذ جفاکار و دغادن آل قصاص
گوندر ئوز منزل لرینه منزل نیرانینه
.
.
بیرده منظوریم بودور عرضیم اولار عرض حضور
کیم بابامون حالینه گوزدن توکوبدور اشک شور
کئچ گناهیندن الهی یا رحیم و یا غفور
یوللاما مأمور الینده دائمی زندانینه
.
.
چوخلاری حسرت باخور گورّم شفاعت قصدینه
آند وئرّم مهدیمه چکمه جهنّم مهدینه
باخ بابامون بستۀ روز السته عهدینه
عفو قیل احبابین الله بو قوزی قربانینه
.
.
سویلیورلر سینّون آتمیش خانه سی برباد سن
«مضطرا» قبرون یوخونلاشدوقجا سن دلشادسن
سویلرم گل سویله قبریمده مبارکباد سن
اصغرون وار میل لطفی نوکر پیرانینه
.
.
#اصغریه #مضطر_اردبیلی #اصغریه_شهادت #ترکی #زبدةالاشعار
نظر دهید