خروج از مدینه
زبانحال فاطمه صغرا(س)به علی اکبر(ع)
.
✍️ #زبدةالاشعار ✍️
.
🆔: @nohe_torki
.
#سبک_علی_اصغر_مه_انور … 7 سبک
.
مرحوم #عاصی_تبریزی
.
گوزوندن آتما صغرانی علی قارداش سنی تاری
شرار آتش هجرونده یاندورما بو بیماری
.
.
نه مدّتدور سنیله بو گوئول قارداش ناپرب اُلفت
اولوب باعث بوالفت تاپموشام یثربده من عزت
نه نوعیله کسوم سندن علاقه ای قمر طلعت
وطنده کیم اولور سندن صورا بو بیکسین یاری
.
.
نئجه انصافیدور آخر منیم بئله زمانیمده
گئده بیر ائل البمدن قالميا بير کیمسه یانیمده
ائدم ناله تک ایوده هر قدر جان واردی جانیمده
یوزوم دیوارلرده سسلیم هر لحظه با باری
.
.
علی قارداش من زاره آناسیزلیق غمی بسدی
گئدوب هرگز ديمورسن فاطمه ناخوشدی بیکسدی
بوغم غصه منى سالدی ایاقدان صبریمی کسدی
نئجه من تاب ائدوم اشگیم یوزیمه اولماسون جاری
.
.
روادور گور علی صغری سنون تک گلدن آیریلسون
چتندور عشق، گل بی بال و پر بلبلدن آیریلسون
آتا عمّه باجی گتسون البم بیر ائلدن آیریلسون
وطنده قالماسون بیر کس بو بیمارون پرستاری
.
.
بو فکریله دیردیم من او قدري ئولمرم فالام
سنون تا طوی گونون گورّم اورکدن اوندا کام آلام
دولانام طوى اطاقوندا باشا منده گیله سالام
گئدر دردیم داخی قالماز وجودیمده غم آثاری
.
.
اونی بولمزدیم هجرانون اولار قارداش منه قسمت
چنین بو دردیدن صغرا، علی بیرده تاپا صحت
اگر من ئولمسمده ئولدورر آخرده بر حسرت
نصیب اولماز وصالون گورمرم بو ماه رخساری
.
.
نئجه صغرا دولانسون بیرده بو بوش طوى اطاقنده
یارا باللهی مشگلدی گر اولساگوز قبافنده
یقین دنیاده صاق قالماز باجی قارداش فراقنده
خصوصا من کیمی ناخوش اوزوم غملر گرفتاری
.
.
أوزوم بیر عمریدور من بستر غمده گرفتارم
یتیمم ناخوشام قارداش علیلم بی پرستارم
دورا بولمَم ایاقه طاقتیم قالموبدی بیمارم
یولون گرد و غبارین یوز گوزوندن تا سیلم باری
.
.
بوسوز معلومدور آخر باجی قارداشی چوخ ایستر
منیم امّاسنه اوزگه علاقم وار علی اکبر
ائیله جاگیریدور عشقون گویولده ای ملک منظر
سراسر دولدوروب مهرون بر جسم زار و تبداری
.
.
آناسیز بیر قیزام قالقوز اورکده چوخ ملاليم وار
نه مدّتدور اوزوم ناخوش بولن یوخدور نه حالیم وار
نه تک سندن هامی ایل اقربادن انفعالیم وار
اجل گلسون رضایم کاش قورتارسون منی زاری
.
.
علی ای گلشن پیغمبره بیر گلبن نوخیز
منه سندن صورا سیر چمن هرگز دگول جایز
اولار بو کاسه چشمیم همیشه اشگیله لبریز
نئدر بلبل گولوندن گورسه بوش گر باغ و گلزاری
.
.
علی بیر لحظه دنیاده داخی گولمز یوزوم سن سیز
فراقونده دونر شامه منیم هر گوندوزوم سن سیز
گئجه گوندوز توکر قانیاش یوزه آخر گوزوم سن سیز
اولور سندن صورا کیم بو عليلون يار غمخواری
.
.
اگر چه مدت عمرون سنون عاصی بتوب باشه
امیدیله ولی شوق زیارت سالگیلن باشه
مدام اللهَه بالوار آند وئر بو باجی قارداشه
اجل تا یتمه میش ائتسون حسينون بلکه زواری
.
.
#گوزوندن_آتما_صغرانی_علی_قارداش_سنی_تاری
#ترکی
.
✍️ #زبدةالاشعار ✍️
.
🆔: @nohe_torki
نظر دهید