(( دعوی عشق ))
.
.
#زبدةالاشعار
.
: @nohe_torki
.
عیّار اردبیلی
.
گوهرِ عشقی گزن ترکِ خرابات اِئلمز
میِ وصلتدن ایچن جانبِ طامات اِئلمز
.
حرمت میکده نی عارف شبگیر بیلر
مکتبین طفلی گلوب کشف طلسمات ائلمز
.
زاهد پینه جبینون آز اولار رهجوسی
عاشق پیر مغان دعوی جنّات ائلمز
.
کیم قلندر صفت اولسا ائلییر تَرک مجاز
یخیلار قبلۀ عشقه ئوزونی لات ائلمز
.
تک به تک طیّ مقامات ائلیین پلّه لری
هر گذر دن کئچنه بذل کرامات ائلمز
.
کیم گیوب خرقۀ پشمینه دئمه عارفدی
شخص بی مایه یقین طِیّ مقامات ائلمز
.
کیم دئدی کشف و شهود اَهلی ام عرفان منده
دئنن عارف گلوب اِفشای اَمانات ائلمز
.
ائله مکتب چوخ اولار، عمری ولی آزدی گولوم
باخ بیزیم مکتبه مجنونی مجازات ائلمز
.
من دیین مکتبی دیوانه لری اَوّل دی
بوردا دیوانه لره عاقل افاضات ائلمز
.
.
سوزی لفّافه ده یازماقدان آپارماز بهره
معرفت دُرّی گزن لَر گئدر عمقِ بهره
.
.
سوزیمون مقصدی دلداره اِشارات گزور
کویِ مستانه لیگه مرکز و میقات گزور
.
گلدی مقتلده جنون درسی وئره مجنونه
سَرِ شوریده سی بیر گورمَه لی لذات گزور
.
کف اخلاصه قویوب دار و ندارین شهِ عشق
سینۀ عرشی یاریب سِیرِ حجابات گزور
.
او که گهواره سی اولموشدی مَطافِ ملکوت
او چوخور یرده شرف شعرینه اَبیات گزور
.
قلب عالَمدی ویرور سینۀ سوزانینده
رگِ مردانه سی قان وئرمگه اَموات گزور
.
طنطنه گویلره سالدی دئدی باخ یا الله
کهربا تک بدنیم جذب فلزات گزور
.
خنجر و شش پر و نیزه ، نئچه مین تیرانداز
جسم پرداریمه مشتاقِ خسارات گزور
.
نیزه نین ضربۀ جانکاهی آچوب روزنِ عشق
اسمِ اعظمدی داشور چوللره جَلوات گزور
.
قفلِ صندوق امامت آچیلوب قهر الینه
قافیه لنگَ دوشوب خامه صناعات گزور
.
ائلییوب سیر صعودی یخیلوب گوداله
گلدی مخصوص قوناقی که مکافات گزور
.
دئدی به به بو ضیافت منی کامه یتیرر
قان شرابیمدی بو خنجر ایچه آفات گزور
.
ناگهان بزم نگاری ائلدی زار و نگون
شمر ذی الجوشنه باخ گور نه جنایات گزور
.
یدّی ضربتده وئروب سیندی او دم جامِ شرف
یاره لی باشی گِئنه آیری جراحات گزور
.
جسم قِدیسی ائدوب شوره یری کعبۀ عشق
کعبه نین هوشی چیخوب باشدان اودی مات گزور
.
وار او باشین قباقیندا نه آغیر مرحله لر
یعنی سر نیزه ده دروازۀ ساعات گزور
.
او زماندان که توکوبلر یره آلله قانین
ذات سبحان دا اوباشدا گوزی هیهات گزور
.
قلمین جوهره سی قانه دونور گئتدوکجه
شور عشقون رگِ (عیّار) یده ذرات گزور
.
گوروم عشقین ائوی آباد اولا عاشق وار اولا
یاز بیزیم آدی او دفترده که حاجات گزور
.
.
.
#حسینیه_محمد_وهابزاده
#حسینیه_شهادت
#گوهر_عشقی_گزن_ترک_خرابات_ائلمز
#ترکی
.
#زبدةالاشعار
.
: @nohe_torki
نظر دهید