انسان گوزیله گوردی مماتی اینانمادی #پندیات_علیوی

پندیات
..
..
عُلیَوی
..
..
انسان گوزیله گوردی مماتی اینانمادی
توبه دئدی ولی سوزی اوسته دورانمادی
..
بیر قوش گورنده دامه دوشوب یاندی حالینه
ئوز حالینه مزاری سالوب یاده یانمادی
..
قبرستانا دوشنده یولی توبه ایلدی
چخدی اشیکده عهدینون اوسته دورانمادی
..
فوته گدوب نمازلری اولمادی ملول
بیر درهمی ولی کم اولاندا یاتانمادی
..
ملک و منال و سیم و زری قالدی وارثه
دنیاده بیر فقیرین الیندن دوتانمادی
..
جرمین مواظب اولدی که مردم ائشیتمسین
خلاق لایزالیدن اما اوتانمادی
..
دائم یالان دانیشدی و یا غیبت ایلدی
ذکر ایلیه خدانی ولی، دل دولانمادی
..
دنیاده اوتدوقی ائوینی ائتدی چلچراغ
بیر شعله آخرت ائوینه یولیانمادی
..
ئوز باشینه دولاندی بو دنیاده (علیوی)
سلطان دوره باشینه بیر یول دولانمادی
..
کور اولسون اول گوزی که گورور کل عالمی
اما امام عصره دویونجاق باخانمادی
..
..
#پندیات #علیوی #ترکی #زبدةالاشعار