شب آخر عمر رقیّه عزیزه (س)
..
..
#سبک_دولدوروب_جهانی
..
..
منتظری شریف آباد
..
..
بیر گئجه رقیّه گلدی آه و داده
مهربان آتاسین چونکه سالدی یاده
سسلدی اویان عمّه
باغریم اولدی قان عمّه
عرشه چئخدی آهیم
یوخدی بیر پناهیم
..
..
دور گلن بی بی جان روشن ایت چراغی
رمز افتراقیم تلخ ایدوب دماغی
آلدی جانیمی غربت
ایستورم اولام راحت
عرشه چئخدی آهیم
یوخدی بیر پناهیم
..
..
آغلاشار بولودلار نوبهار اولاندا
بلبل ایلر افغان غنچه گل سولا ندا
گللریم منیم سولدی
تشنه اصغریم ئولدی
عرشه چئخدی آهیم
یوخدی بیر پناهم
..
..
من یتیمی دشمن گتدی جانه عمّه
وار قولومدا ردّ تازیانه عمه
قومِ دون وروب سیلی
صورتیم اولوب نیلی
عرشه چیخدی آهیم
یوخدی بیرپناهیم
..
..
کربلا چولونده خیمه اودلاناندا
عترت پیمبر چوللره قاچاندا
دامنیم الولاندی
اللریم بی بی یاندی
عرشه چئخدی آهیم
یوخدی بیر پناهیم
..
..
رأس شاه خوبان گلدی بیر طبقده
آفتاب تابان قرمزی شفقده
مه جمالی چون لاله
چهره سینه قان هاله
عرشه چئخدی آهیم
یوخدی بیر پناهیم
..
..
بیخبر رقیه اصل ماجرادن
فکر ایدوب غذادور فرقه ی جفا دن
غم قرارنی آلدی
شیون و نوا سالدی
عرشه چیخدی آهیم
یوخدی بیر پناهیم
..
..
سویلدی بی بی من نیلورم طعامی
خسته گوگلوم ایستور مهربان آتامی
دردیمه علاج ایله
نولدی بس بابام سویله
عرشه چئخدی آهیم
یوخدی بیر پناهم
..
..
فکر ایدوب بلا و غم نسیبی زینب
قورتارا نوادن اندلیبی زینب
ردّ ایدنده سر پوشی
گیتدی باشیدن هوشی
عرشه چئخدی آهیم
یوخدی بیر پناهیم
..
..
یاندی قلب زاری نار اشتیاقه
آلدی قانلی باشی شوقله قوجاقه
یاره لبلری اوپدی
گوزیاشیله سو سپدی
عرشه چئخدی آهیم
یوخدی بیر پنا هیم
..
..
گلدی نازدانه نی کیمی نوایه
مهربان آتایه باشلادی گلایه
باخ قابار ایاقیمه
یاره لی قولاقیمه
عرشه چئخدی آهیم
یوخدی بیر پناهیم
..
..
گتدی جور اعدا خاطریمی درده
بی پناه عیالون چون کنیز و برده
دادنه چاتان یوخ هئچ
بالشی اولوب کرپیچ
عرشه چئخدی آهیم
یوخدی بیر پناهیم
..
..
#حضرت_رقیه #منتظری #حضرت_رقیه_شهادت #ترکی #زبدةالاشعار
نظر دهید