یارالی زهرا گوز آچ دوباره علینی بیر دیندیر #فاطمیه_هادی_وحیدی

زبانحال حضرت علی (ع) در بالین حضرت زهرا (س)
..
..
#سبک_سریال_امام_علی
..
..
هادی وحیدی زنجانی
..
..
یارالی زهرا گوز آچ دوباره علینی بیر دیندیر
یانور غمونده ماه و ستاره علینی بیر دیندیر
..
..
هله جوانسان جهانیدن دویما ای گل یاسیم
رخت وصالی اماندی سن سویما ای گل یاسیم
بو تئزلیقا گل علینی تک قویما ای گل یاسیم
سرشک ماتم آخور عذاره علينی بیر دیندیر
..
..
چمنده هجر آتشینده قویما بهاره لر یانسون
دوباره دن یاره لنمسون قلبی یاره لر یانسون
گوز آچ رضا اولما ماتمونده ستاره لر يانسون
گوز آچ حسینه ائله نظاره علینی بیر دیندیر
..
..
نه چکمیشم حق بولور فقط اود دوتاندا درگاهیم
گلومدن آیریلدی غنچه م افلاکه اوج ائدوب آهیم
چخوب سپهره فغان و آهیم ناله ی جانکاهیم
وراندا درگاهیمه ،شراره علینی بیر دیندیر
..
..
پوزولموشام آند اولا خدای کریم و اعلایه
سن اولماسان اُف اولا بو دنیای پست و ادنایه
سالار ایاقدان غمون علینی دوشر بلایایه
فراقه يوخدور جهاندا چاره علینی بیر دیندیر
..
..
فاتح خیبر دوشر غمونده توان و یارادن
نجه ال اوزسون بویور اوزون سن وفالی زهرادن
يخلمیان مرتضانی تئز بو فلک سالار پادن
گونومی ائتمه غمونده قاره علينی بیر دیندیر
..
..
غم فراق رسولیدن گور نه حاله قالدون سن
ولایت اوسته جوانلقيندا نه تئز قوجالدون سن
علینون ای گلبن امیدی نه تئز سارالدون سن
خزانه دونموش گل بهاره علینی بیر دیندیر
..
..
ایاقه دور بیر خرامه گل ای بهشت طاووسی
سن اولماسان فاطمه سونر دلده عشق فانوسی
قالار كمكسيز جهاندا سنسیز بو درد مأنوسی
قویانمارام من سنی مزاره علینی بیر دیندیر
..
..
#فاطمیه #هادی_وحیدی #فاطمیه_شهادت #ترکی #زبدةالاشعار