یارب همیشه لطفونو ائت رهنما منه #غزل_فضولی

#غزل #فضولی
.
.
.
حکیم ملا محمد فضولی
.
.
یارب همیشه لطفونو ائت رهنما منه
گؤسترمه اول طریقی کی یئتمز سنه، منه
.
قطع ایله آشنالیغیم اوندان کی غِیردیر
آنجاق اؤز آشنالارین ائت آشنا منه
.
بیر یولدا ثابت ائت قدم اعتباریمی
کیم رهبرِ شریعت اولا مقتدا منه
.
یوخ منده بیر عمل سنه شایسته، آه اگر
اعمالیما گؤره وئره عدلین جزا منه
.
خوفِ خطادا مضطربم، وار امید کیم
لطفون وئره بشارتِ عفو و عطا منه
.
من بیلمزم منه گره گین، سن حکیمسن
منع ایله، وئرمه هر نه گره کمز سنه، منه
.
اولدور منه مُراد کی، اولدور سنه مراد
حاشا کی سندن اؤزگه اولا مدّعا منه
.
حبسِ هوادا قوُیما فضولی صفت اسیر
یارب هدایت ایله طریقِ فنا منه
.
#فضولی #مناجات_فضولی
#غزل_ترکی
#ملامحمدفضولی #ترکی
#یارب_همیشه_لطفونو_ائت_رهنما_منه
#زبدةالاشعار