زبدةالاشعار

یاغوبدور ابر رحمتدن یره باران اروجلوقدا #حسنیه_رمضانی_ذوالفنون

رمضانیه
میلاد امام حسن مجتبی علیه السلام
.
.

محمدرضارمضانی«ذوالفنون»
.
.
یاغوبدورابررحمتدن یره باران اروجلوقدا
آچوبدورسفره احسان حق منّان اروجلوقدا
.
پیمبردن سفارش گوندروب دعوت ائدوب خلقی
عبادالّلَه هامی اللهه دورمهمان اروجلوقدا
.
دررحمت درجنت آچیخدی خلقه بوآیدا
نجیکه باغلانوبدورآتش نیران اروجلوقدا
.
اوزون گل بیرسوروش حال وهواسین اهل طاعتدن
نئجه تعریف ائدورگورصاحب ایمان اروجلوقدا
.
بویوردی مؤمنه زنداندی دنیاحضرت طاها
اولارمؤمنلره جنت همین زندان اروجلوقدا
.
قیاس ائتسون اگرآیلاریلن چوخ فرقی واروالله
عیاندورچوخ روایتدن که واررجحان اروجلوقدا
.
بوآی مختصّ دورآللهه پیغمبرائدوب اعلان
که واردی آیلارایچره رتبه شایان اروجلوقدا
.
بوآی الحق بهارعشق وقرآن وعبادتدور
اولوب نازل پیمبرقلبینه قرآن اروجلوقدا
.
نفسلرذکردورتسبیحدوریاتماق عبادتدور
یازیلمیش رحمت بی حدّوبی پایان اروجلوقدا
.
دعالرمستجاب واجری اعمالین مضاعفدور
تعالی الله ائدوب بحرکرم طوفان اروجلوقدا
.
نه فیضی واردی باطنده فقط الله بیلر،بیرده
اولارزیباجنان تک خطه ایران اروجلوقدا
.
سحرآخشام بومُلکه معنویت حکم ائدرهرآن
قولاقلاره گلرهرلحظه خوش الحان اروجلوقدا
.
مؤذن که دیرالله اکبرصبح چاقینده
اذان عشق اوخوردللرتاپار سامان اروجلوقدا
.
دم افطاراولانداربّنانی باشلیاراستاد
بولحن عشق اولوب همدم بیزه چوخدان اروجلوقدا
.
الاای«ذوالفنون»ایندی غنیمت سای بواوقاتی
دوباره تاپگلان بومُرده جسمه جان اروجلوقدا
.
گل ایندی سنده شیطان درونی چکگیلن بنده
دیوللرباغلیدورزنجیره چون شیطان اروجلوقدا
.
اولوبسان ایندی گرنادم پشیمانسان گناهوندن
پریشان اولماچون وار فرصت جبران اروجلوقدا
.
آچیخدی باب توبه ناامیداولماتلاش ایله
وئروبدورحضرت حق وعده غفران اروجلوقدا
.
باغیشلارکیم دئسه اخلاصیله العفو،یاربّی
دوتوب اول مهربان خلقه عجب آسان اروجلوقدا
.
شب قدرین بیلرسن قدرینی گرهوشیاراولسون
تاپارسان دلده کی امراضوه درمان اروجلوقدا
.
گئدوب تاپ اهلینی ایله سوال آدابینی ئورگن
نه نوعی یاخشیدورائتسین عمل انسان اروجلوقدا
.
گرک اولسون تمام اعضاسی انسانین اروج بوآی
که هرگزیتمه سین اعمالینه نقصان اروجلوقدا
.
دوداقلاری قولاقلاری گوزی حتی ایاقلاری
فقط بواولمیامحروم اولادندان اروجلوقدا
.
زبان روزه داراولمازدانیشسون ناسزا،غیبت
بویوک آفتدی قارداش تهمت وبهتان اروجلوقدا
.
بیرینون حقی واربوینونداگئت فوراًاداایله
خیانت ایلمه هئچ کیمسه یه بیرآن اروجلوقدا
.
بشرلازمدی هرآندارعایت ایلسون حقی
خصوصاًاولماسین حقون ائوی ویران اروجلوقدا
.
فقیرین یوخسولون دوتسان الیندن اجری چوخ چوخدی
سعادتدورگراولسان مایل احسان اروجلوقدا
.
یتیم ومستمندانی چیخارتمایادّان ای دارا
دوزنده سفریه سن نعمت الوان اروجلوقدا
.
بیرایش گورسون فقط اللهه خاطرگور،ریاایتمه
عمل قصرین گل ایتمه خاکیله یکسان اروجلوقدا
.
اگرتوبه ائدورسن غافل اولماسالماتأخیره
طلادوروقتی سنده ساتماچوخ ارزان اروجلوقدا
.
اروجلوق بیرقوناقلیقدورقوناق گئتسون تمیزاول گئت
که پاک اولسان آلارسان فیض صدچندان اروجلوقدا
.
سوزی کوتاه ائدوم تااولماسون حضارچوخ خسته
که آغری تزتاپارانسانلاری باشدان اروجلوقدا
.
بورحمت مژده سین چوخ چوخ ائشیتمیشدوزمنیم اما
واریمدی آیری بیرمژدم سیزه یاران اروجلوقدا
.
دیوم عاشقلره،چون نیمهٔ ماه صیام اولدی
گوروندی گوزلره بیرجلوه جانان اروجلوقدا
.
میان سفره سینده منتخب پایدورقویوب خالق
تاپوبدی آیری بیرزینت بودستارخوان اروجلوقدا
.
بوپای زهرائیله مولاعلینوندورگلوب حقدن
گوروب حیدرائوینده دسته ی ریحان اروجلوقدا
.
امام مجتبی یعنی حسن دلبندپیغمبر
گلوبدورعالمه اول یوسف دوران اروجلوقدا
.
اینان گرسویلسم بازاریوسف دوشدی رونق دن
فراموش ائتدی شایدیوسفی اذهان اروجلوقدا
.
گوزللرگوزگوتورمورگورمه لی زیباجمالیندن
غلام ماه یثربدور مه کنعان اروجلوقدا
.
ایشیقلاندیردی یثرب آسمانین نوررخساری
نه یثرب روشن اولدی عالم امکان اروجلوقدا
.
دیون موسی پیمبرتامدینه طورینه گلسون
عیان اولدی جمال حجت سبحان اروجلوقدا
.
گوروندی تازه بیرگل،گلشن عشق اولدی رنگارنگ
گلوبدورشوروشوقه بلبل خوشخوان اروجلوقدا
.
کنارگاهوارینده دوروب ال سینن ده جبریل
واریدی ذوالجلالیندن اونافرمان اروجلوقدا
.
غلام آستانی اولماقاخدمت خیالیلن
ملکلراولدولارجبریله هم پیمان اروجلوقدا
.
پیمبرشادیدوردلدن،علی خوشحال وخرّمدور
بتول اطهراولموش گل کیمی خندان اروجلوقدا
.
حضورحضرت طاهایه تبریک عرض ائدوب اصحاب
خلوص قلبیلن چون بوذروسلمان اروجلوقدا
.
آلورآغوشینه جان مثلی گاهی احمدمختار
آتاسینه اولورگه زینت دامان اروجلوقدا
.
آناسی پَر ویرورپروانه مثلی هی کنارینده
قالوربوعشقیدن پروانه لرحیران اروجلوقدا
.
#مناجات
#رمضانیه
#حسنیه_میلادیه #حسنیه
#یاغوبدور_ابر_رحمتدن_یره_باران_اروجلوقدا
#رمضانی_ذوالفنون #مناجات_رمضانی_ذوالفنون
#ترکی
#زبدةالاشعار

متن پیشنهادی:  ای شمع بزم ماتمه پروانه یاحسین #حسینیه_دخیل

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی