یا ابوالفضل آدیوی ورد زبان ایلمیشم #عباسیه_بیدقداری

حضرت ابوالفضل العباس علیه السلام
..
..
مرحوم حاج داود بیدق داری
..
..
یا ابوالفضل آدیوی ورد زبان ایلمیشم
ئوزومه درگهووی کهفِ امان ایلمیشم
..
سسلیَنده آدیوی قلبیم اَسوب جان دئمیشم
یوزومون زینتینی اشک ِروان ایلمیشم
..
کیم دئیوب منزل یاری نه نشاندان تاپوسان
دئمیشم پرچم عبّاسی نشان ایلمیشم
..
ای یوزی آینۀ روی علی شاه نجف
قلبیمی آدیووه من آینه دان ایلمیشم
..
گَرد ِپیری اوتوروب باشیمه ای یاسِ علی
گلشن عمریمی عشقونده خزان ایلمیشم
..
دردیمی نامه کیمی یازدیقیجا آغلامشام
سنه بو گوز یاشمی نامه رسان ایلمیشم
..
سن اولان یئرده آقا دردیمی اَغیاره دئمم
ئوزگه لردن اودی بو دردی نهان ایلمیشم
..
دردی درد اوسته یغوب گوزله میشم دسته گلوب
یاپشوب پرچمووی اوندا عیان ایلمیشم
..
هامی درگاهووَه درمانه گلن وقتیده من
دردیوی جانه آلوب راحتِ جان ایلمیشم
..
دورت امام هم الووی ئوپدیله هم آغلادیلار
قلبیمی منده سنه مرثیه خوان ایلمیشم
..
یادیمه تا که دوشوب کرب وبلا واقعه سی
یازمشام نسگیلووی آه وفغان ایلمیشم
..
اونداکی که سسلدون ای جان جهان داده یتش
گور نجه جان سِپر تیروسِنان ایلمیشم
..
..
..
ائشیدنده سسوی گُل یوزی سولدی آقامون
باخدی بیر زینبینه گوزلری دولدی آقامون
..
..
..
ایسته دی مرکبینه مینسون اوسیمای وقار
دیزلری گلمدی تا اولسون اواثناده سوار
..
وصف حالینده بو بیر نکته کفایت ائلیر
ساخلادی مرکبینی زینب مرضیّه تبار
..
عرض ائدوبدور سارالان رنگووه قربانم حسین
من هَله ئولمه میشم اولما بئله درده دچار
..
سن منیم مایه آرامش روحیمسن حسین
پوزلان حالون ائدور زینبووین حالینی زار
..
قیلددی فرمایش اونا ای آنامین نایبه سی
یاتسا عبّاس عَلمی غارت اولار دار وندار
..
قول قولا باغلیاجاق قیزلاریمی کوفه لی لر
سن ئوزونده اولوسان شامه کیمی ناقه سوار
..
ایندی بیلدیرمه هَله قیزلاریما یاتدی عَلم
صبرائله تا که گوروم ساحل علقمده نه وار؟
..
چخدی زین اوستونه اول رهبربی یار وسپاه
فلکین چرخینه باخ گور نه ائدور تَرسَه مدار
..
تلّلیدن یِندی ولی دیلده ابالفضل آدی وار
قارداشین گورمگینه دلدن اولوب لحظه شُمار
..
گورمه میش قارداشینی گوردی کسیلمیش قولونی
دئدی بوندانصورا وای زینبه ای زینبه یار
..
دوشدی مرکبدن اوقانلی الی بیر آلدی اله
باغرینا باسدی اودم اولدی اونا تعزیه دار
..
ئوپدی قویدی گوزونه حسرتیلن آغلادی شاه
گوئیا برگ گُله گوزدن اولوب ژاله نثار
..
گلدی بالینینه سسلندی که ای آرخام ائلیم
تک قالان قارداشووام ایندی داخی سیندی بئلیم
..
..
#عباسیه #بیدقداری #عباسیه_شهادت #ترکی #زبدةالاشعار