زبدةالاشعار

یا ثامن الحجج سنه قرباندی جانیمیز #رضویه_ساعد_زنجانی

مدح و توسل به حضرت امام رضا علیه السلام
.
✍️ زبدة الاشعار ✍️
.
🆔: @nohe_torki
.
مرتضی اسکندری (ساعد زنجانی)
.
یا ثامن الحجج سنه قرباندی جانیمیز
وابسته دو ر جلالیوه نام و نشانیمیز
.
.
ای مظهر جمال خداوند ذوالجلال
آئینه محبت خلاق بی مثال
دنیانظیریوی گوره بیر امریدور محال
سن سن ایکی جهاندا بیزیم آرمانیمیز
.
.
قربان اولوم جلالیوه سن شاه عشقیسن
سلطان با صلابت و ذیجاه عشقیسن
قرب خدای لم یزله ، راه عشقیسن
عشقونله جاریدور شریانلاردا قانیمیز
.
.
آنداولسون عشقون عالمی صوم صلاتیمه
صحنونده شوروحالیله گیچمش حیاتیمه
سن سن ولی نعمتیمیز یابن فاطمه
مدیونیدور محبتیوه خاندانیمیز
.
.
انگشتر محبته مهرون عقیقیدور
جنت گدای جلوه ی صحن عتیقیدور
صبح قیامتون که حسابی دقیقیدور
تحت حمایتونده دی پیر و جوانیمیز
.
.
آزاده ملتوک یله وجدانی ویرمروک
ری ملکینه محبت زهرانی ویرمروک
دنیانی ویرسه لر قیزیل ایوانی ویرمروک
روشندی نور مشهدیله آسمانیمیز
.
.
دنیاده هر بنی بشرون رسمیدور بیله
سعی و تلاش ایدرکه چاتاعمری حاصله
عاشق گرکدور عاشق اولابیرقوی دله
وابسته دور رواقیوه روح و روانیمیز
.
.
صحنونده یوخدی یر گیجه لر اینه آتماقا
خادمدی درگهونده ملک فیضه چاتماقا
الله ویروب سنی بیزه پای باش اوجاتماقا
سن سن بیزیم همای بلند آشیانیمیز
.
.
غرق گناه ومعصیتوک جانه گلمشوک
بیر سائلوک که محضر سلطانه گلمشوک
درماندیوک بودرگهه درمانه گلمشوک
هجرونده قان اولوبدی بو اشک روانیمیز
.
.
ویروک سنی جواده قسم آتما بیزلری
هجران چتندی سیدی آغلاتما بیزلری
مشتاق وصلوک ئوزگه لره قاتما بیزلری
آدون اولوبدی هر گیجه ورد زبانیمیز
.
.
یو‌خدور لیاقتیم سنه قربان اولوم آقا
بیر لحظه قبر پاکیوه مهمان اولوم آقا
ویر اذن درگهونده نگهبان اولوم آقا
آزقالدی عرشه اود سالا سوز نهانیمیز
.
.
.
#رضویه_مدح
#یا_ثامن_الحجج_سنه_قرباندی_جانیمیز
#ساعد_زنجانی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  من بابا عشقیده عمّه م کیمی غوغا ایلدیم #حضرت_رقیه_شمس_شاب_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی