شهادت حضرت ابوالفضل العباس(ع)
.
زبدة الاشعار
?: @nohe_torki
.
مرحوم حقیر خویی
.
یتوب نه گوردی دوشوب سرو قامت عباس
علم یاتوب باتوب القانه طلعت عباس
.
نه قوللاری بدنینده نه مشگ چیگنینده
نه دیزده تاب قیامه نه طاقت عباس
.
ووروبلا جسمینه بی حد یارا یارا اوسته
گوی اولدوزون وئروری سان جراحت عباس
.
الون قویوب بئلینه سوزیله چکوب بیر آه
دئدی عجب بئلیمی بوکدی فرقت عباس
.
گوتوردی باشینی یردن آلوب دیزی اوسته
دیوب قولاقینه بیر سوز ولیک آهسته
.
ایاقه دور آپاروم خیمیه برادر جان
سکینه گوزلوری یول اهل بیتدور نگران
.
بو چولده بیر سنه تیکمیشدی گوز بنات بتول
یولوی خیمه ده گوزلور تمام آل رسول
.
دگل بو قاعده رسم وفانی ترک ائده سن
قویوب بو عرصه ده یالقوز منی اؤزون گئده سن
.
کمک لریم گئدوب الدن یار و انصاریم
بو چولده بیر سنیدون ای رشید علمداریم
.
سنیده آلدیلار آخر الیمدن اهل جفا
اولوبلا قتلیمه آماده فرقه ی اعدا
.
ائشیتدی بو سوزی عباس تیتریوب بدنی
دئدی اماندی برادر خجالت ائتمه منی
.
قولام سنه منه قارداش داخی خطاب ائتمه
ولی وفالی قولام بی وفا حساب ائتمه
.
ایاقون آتدا اگر جان وئرم گنه خجلم
لیاقتیم سنه یوخ شرمسار و منفعلم
.
بویوردی آچ گوزوی بیرده باخ منیم یوزومه
دئدی باخانمورام آخر دولوبدی قان گوزیمه
.
الون فداسی گوزومدن کنار قیل قانی
گوروم جمالیوی بیر دفعه تاپشوروم جانی
.
قویوب یوزینی ایاقینه جان نثار حسین
ایکی الیله ائدوب نقدجان نثار حسین
.
#عباسیه_شهادت
#حقیر_خویی
#یتوب_نه_گوردی_دوشوب_سرو_قامت_عباس
#ترکی
.
#زبدةالاشعار
?: @nohe_torki
: @nohe_torki . اسماعیل زرین . شهید کرب و بلانون عجب جلالتی وار هامی اورکده اونون مهری وار محبتی وار . چه مسلم و چه نصارا چه شاه اولا چهبیشتر
نظر دهید