غدیریه
.
✍️زبدة الاشعار✍️
?: @nohe_torki
.
مرحوم صحاف تبریزی
.
یتیشدی امر حق بو گون شهنشه رسالته
یتور علی ولایتین بو یرده سن جماعته
علیدورای حبیب من وصیّ و جانشین سنه
«اولان فدا شریعته»
.
.
یتوردی حق پیامنی امین وحی کبریا
نزوله امر ایدوب همان او یرده ختم الانبیا
دایاندی اهل قافله دوشوب او چولده جابجا
سالوب بو امر مستقیم او کاروانی حیرته
.
.
ایدوبله منبری بنا جهاز ناقه دن او دم
صعود ایدوب او منبره او شهریار محتشم
آچوب ثنای حقّه دل امیر بیت و الحرام
هامی تعجب ایتدیلر فصاحت و بلاغته
.
.
تمامه ویردی خطبه سین رسول بی مثال حق
دوتوب علی كمرگهین او مظهر جلال حق
اوجاتدی الده گون کیمی عیان اولوب جمال حق
ولیّ ذوالجلال ده نظاره قیل جلالته
.
.
بویوردی هر کسه منم بو گون امیر و پیشوا
امیر و پیشواسیدور همین بو شاه لافتا
منه وصیّ و جانشین سیزه امام و مقتدا
علینى الیقین یتر همیشه لیق سعادته
.
.
على وجودینه سبب خدای حیّ لاینام
وسیع نعمتین سیزه بوگونده ایلدی تمام
علی محبّنه ایدوب جهنمین اودین حرام
علینی سُؤومیین اولار دچار نار ذلّته
.
.
#گریز #اصغریه_شهادت
.
بو بیر علیدی کیم آلوب ال اوسته شاه نشأتین
ولی آلوب ال اوسته بیر علیده تشنه لب حسین
الینده دسته گل کیمی گلوب او شمس مشرقین
مقابل اولدی نور حق او لشگر ضلالته
.
.
بیوردی شرم ایدون داخی بو چولده ای سپاه شام
باخون گورون نجه دوتوب عطشدن اود یانور بالام
قالوبدی اوچ گیجه گونوز سوسوز بوطفل مستظام
سبب ندور بو کثرت عداوت و شقاوته
.
.
گورون نجه روادی بو آخا فراتی چوللره
بو سود اَمر بالام منیم الیمده تشنه جان ویره
گلون آلون اوزوز ویرون سو بیرجه شربه اصغره
یتوبدی آفت خزان بو نوگل صباحته
.
.
نه وار آناسنون سودی نه بیر ایچیم سویا گمان
هوانون ایستیسی عطش بالامدا قویمیوب توان
گوزی آخوب نفس باتوب ویرور الیمده تشنه جان
ندور سوزوز جزا گونی بو ظلم بی نهایته
.
.
«صحاف» حسینی ایستین ئولونجه درد و غم چکر
بو آستانه دن دیمه بلا چکن قدم چکر
قیامتین گونی خدا گناهووا قلم چکر
گذشت ایدر خطالرون شهنشه شهادته
.
.
اگرچه دردمند سن قضای حقّه ویر رضا
سُوَر خدا مریض ایدر سُوَر سنه ویرَر شفا
حکیم اوزی بُلر نجه مریضینه ایدر دوا
یوخ اعتراضی بیر کسون مقام علم حکمته
.
#غدیریه
#یتیشدی_امر_حق_بو_گون_شهنشه_رسالته
#صحاف_تبریزی
#ترکی
✍️ #زبدةالاشعار✍️
?: @nohe_torki
نظر دهید