یتیشدی ماه محرم قورولدی بزم عزا #ورود_محرم_ستار_رزاقی

ورود محرم
.
#زبدةالاشعار
.
: @nohe_torki
.
رزاقی تبریزی
.
یتیشدی ماه محرم قورولدی بزم عزا
حسینچیلر گیینوب اگنینه لباس قرا
.
هارا قولاق ویریسن یاحسین صداسی گلور
آچوبدی باشینی آغلور بوغمده اهل ولا
.
چکوبله یئرگوگه قاره آچوبلا قاره علم
باتوبدی ماتمه شیعه دوتوبدی کونی نوا
.
نه وار بو آیدا اللهی نه شوردور گوره سن
تمام عالمی دوتموش بو نوعی غملی صدا
.
ایله فغانه گلوب شیعه لر وورور باشه
گزیله کوچه و بازاری دلده وار بوندا
.
کی ای جماعت کون و مکان اولون آگاه
گلوبدی ماه عزای شهید کربوبلا
.
بو آیدا یتمیش ایکی عاشق کمر بسته
ایدوبله جانلارینی عاشقانه دینه فدا
.
بو ایدا کربوبلا دشتی قانیله بویانوب
شهید ایدوبله حسینی او چولده اهل جفا
.
بو آیدا یاد ایلیوب کربلا سوسوزلارینی
سرین سو ایچمیون ای عاشقان کوی وفا
.
کی چون دیار بلاده کسوب عدو سویولون
چخوبدی عرشه خیمدن صدای واعطشا
.
شرا ظلمیله اودلاندی گلشن شه دین
تمام گللرینی سولدوروبدی قوم دغا
.
قتیل ایدوبله پیمبر شبیهی اکبرینی
آلوبلا طاقتین الدن ایدوبله قلبی یارا
.
گلنده باشینون اوسته او شاه دلخسته
حزین حزین سسیله سسلنوبدی وا ولدا
.
اماندی آچ گوزون ای جدیمون شبیهی اوغول
سنی آیردی آتاندان ندندی دست قضا
.
او شاهین اللری اوستونده سود امر بالاسین
ایدوب خدنگه نشانه او چولده دست خطا
.
بالا چالوب ال ایاق شاه دین قوجاقینده
بوحاله یاندی هامی ساکنان ارض و سما
.
قانین سپوپ گوگه عرض ایتدی شاهد اول یارب
واریمدی هرنییم ایتدوم سنون یولوندا فدا
.
سو اوسته اولدی قلم قولاری ابوالفضلین
یخیلدی توپراقا الدن دوشوبدی قانلی لوا
.
کسیلدی چاره سی ائوز دوتدی خیمه گاهه طرف
چاغوردی قارداشینی دادینه او کان وفا
.
دیدی اماندی اخا گل هرایه جان ویرورم
سالوبلا قولاریمی وار بدنده چوخلی یارا
.
آخور عذاریمه قان باشیمون یاراسیندان
سیلنمورم گل اوزون سیل گوزومده قانی اخا
.
بو آخر عمروده گورسم اگر او گل یوزوی
تاپار بو جسمیده کی یاره لر یقیندی شفا
.
گلوبدی درگهوزه صدق اوزیله رزاقی
کی بلکه سیزدن آلا بیر برات کربوبلا
.
وبیرده ایستوری سیزدن کی جان ویرنده گلوب
بو نوکری ایده سوز غصه دن اولحظه رها
.
.
#یتیشدی_ماه_محرم_قورولدی_بزم_عزا
#ترکی
.
#زبدةالاشعار
.
: @nohe_torki