زبانحال حضرت زهرا سلام الله علیها
.
زبدة الاشعار
.
: @nohe_torki
.
#محرمعلی_علوی
.
یتیشدی موسم هجران خداحافظ خداحافظ
عم اوغلی من سنه قربان خداحافظ خداحافظ
.
اوگونکه یا علی اَلدن بابام خیرالورا اگیتدی
ایدوب رحلت بو عالمدن رئیس انبیاء گیتدی
چخوب افلاکه افغانیم اَلمدن مقتدا گیتدی
یتوبدور عمریمه پایان خداحافظ خداحافظ
.
بابام پیغمبر خاتم گیدن وقته بو عالمدن
بویوردی اُمته هر آن سیزی ایتدیم رها غمدن
که اهل بیتلن قرآن امانتدور قالور مندن
بولار دور سیزلره برهان خداحافظ خداحافظ
.
اوخی قرآنوی، زهرا بو ساعت آیرلور سندن
حلال ایله اگر قلبین عم اوغلی اینجسه مندن
بو آز عمرونده هیچ زهرا ،علی جان دویمادی سندن
چتیندور فرقت جانان خداحافظ خداحافظ
.
اولوبدور ناگران قلبیم بو ایکی دلغمینیمدن
آییردی گردش دوران منی ئوز نور عیینمدن
مواظب اول عم اوغلی سن حسندن هم حسینمدن
بولار قویما ایده افغان خداحافظ خداحافظ
.
چراغ عمر زهرانی علی گوردی ،خموش اولدی
اوغمده عترت طاها هاموسی قاره پوش اولدی
دیدی زهرا علی آخر غم ایّامه توش اولدی
چخار آهیم گوگه هر آن خداحافظ خداحافظ
.
ویرنده غسلونی مولا گلوبدور آه و افغانه
یوزینی قویدی دیواره ایدوب ناله یانا یانا
بویوردی فاطمه سنسیز علی هر آن دویوب جانه
اولار مشگل منه هجران خداحافظ خداحافظ
.
ویروبدور غسل زهرایه اُورک القانیله دولدی
حسینیله حسن گلدی آنیلان قول بویون اولدی
دیدیله گل دیله دیلّن ، آنا سویله سنه نُولدی
اولوبدور باغریمز القان خداحافظ خداحافظ
.
بونوعی غملی زهرانی حسن اوخشار حسین آغلار
اوزون گیتدون بو عالمدن بیزی قویدون آنا آغلار
بالالار وای ننه سسلر، کفن ایچره آنا آغلار
ندن ایتدون بیزی نالان خداحافظ خداحافظ
.
ایده تا دفن زهرانی علی المرتضی گلدی
قویا جاناننی قبره وصیّ مصطفی گلدی
گوروب گویا مزاریندن اودمده بو صدا گلدی
بالامی ویر منه گریان خداحافظ خداحافظ
.
علی آخرده زهرانی سنه ویردیم امانت من
ایدنده رحلت عالمدن قویوب گلدیم سلامت من
گتوردون قبره یوزنیلی ندن سینه جراحت سن
ایله بو گوهری پنهان خداحافظ خداحافظ
.
“علوی” سن بومحنتده یانوب هردم اورک داغلا
خانم زهرانون اول وقتون خیالیوه گتور آغلا
عزاسینده قراپوش اول یوزه گوزیا شیوی باغلا
دیدی ای شاه مظلومان خداحافظ خداحافظ
.
#سبک_علی_اصغر_مه_انور … 7 سبک
.
#فاطمیه_شهادت
#یتیشدی_موسم_هجران_خداحافظ_خداحافظ
#ترکی
.
#زبدةالاشعار
.
: @nohe_torki
متن های پیشنهادی برای شما
شیعه گل شوریله بیر فغانه #رضویه_دلریش
شهادت ضامن غریبان امام رضا (ع) . زبدة الاشعار . : @nohe_torki . مرحوم دلریش . شیعه گل شوریله بیر فغانه باشه وور گوزیاشون ائت روانه چون عزای امام رضادور سال فغانیله ناله جهانه . . قوردی بیر بزم مأمون غافل ایلدیبیشتر
آسمان معرفتده مهر و ماهیم یا علی #حیدریه_غمکش
عشق مولا علی(ع) . مرحوم غمکش . آسمان معرفتده مهر و ماهیم یا علی عالم عشق ایچره سن مولا وشاهیم یاعلی درگهونده خادمم احسانوه فخر ایلورم سنله وار بو دهریده اجلال و جاهیم یا علی . تاپدی عشق اهلی صراط المستقیمی عشقده عشقونبیشتر
دیار کرب وبلا تاپدی آیری حال و هوا #وداع_محمد_هوشمند
وداع حضرت امام حسین (ع) . #زبدةالاشعار . : @nohe_torki . محمد هوشمند ( مدهوش تبریزی) . دیار کرب وبلا تاپدی آیری حال و هوا یئتنده آیریلیق هنگامی ظهر عاشورا . وصال یارینه عاشق اولوبدی آماده یاخینلاشیب سالا محراببیشتر
دور ای علمداریم یارالی سرداریم #عباسیه_مصیبی_تبریزی
«دور ای علمداریم» . . #زبدةالاشعار . : @nohe_torki . #سبک با صدای مهرداد جباری . مصیبی تبریزی . . دور ای علمداریم یارالی سرداریم منی بوچولده تک قویما پوزولدی پرگاریم کمک سیزم قارداش (٤) . . انیس وغمخواریمبیشتر
جور زماندان ای در کنز وفا اوغول #حیدریه_رستمی_تبریزی
درد دل امام علی (ع) با حضرت اباعبدالله (ع) . . . مهدی رستمی تبریزی . جور زماندان ای در کنز وفا اوغول رنگ رخیم اولوب مثل کهربا اوغول . چون وارثوابی قدریده قرآنی آچماقین ایتدی مرادی بو ایشین حقین ادا اوغول . قرآن صامتبیشتر
چیخوبدور کوفه دن لیلا گلوب افغانه یوللاردا #راه_شام_معزی_اردبیلی
راه شام زبانحال حضرت لیلا (س) . زبدة الاشعار . ?: @nohe_torki . مرحوم معزی اردبیلی . چیخوبدور کوفه دن لیلا گلوب افغانه یوللاردا باخوب سر نیزیه قلبی دونوبدور قانه یوللاردا . گوروب دلبندینون باشین چکوبدور آهی آهبیشتر
نظر دهید