یتیشدی وقت هجرانیم جوادیم گلمدی یارب #رضویه_منتظری

شهادت امام رضا (ع)
..
..
منتظری شریف آباد
..
..
یتیشدی وقت هجرانیم جوادیم گلمدی یارب
ضیاء چشم گریانیم جوادیم گلمدی یارب
..
..
جواد ای طاقت جانیم خراساندا غریبم من
گوزوم یولدا ﺋﻮزوم یرده وطندن بی نصیبم من
وصالون دردیمه درمان مریضِ بی طبیبم من
یاخونلاشدی چیخا جانیم جوادیم گلمدی یارب
..
..
اولوب زهر جفا کاری آلوشدی لبلریم الله
دونوبدور قانه اَکبادیم ﺋﻮرکده اللریم الله
نولور آخِر زمانیمده یتوشسون دلبریم الله
اوجالدی عرشه افغانیم جوادیم گلمدی یارب
..
..
کیمون اولسا جوان اوغلی یامان گونده یِتَر داده
صبا ایله خبر گلسون تقی بو محنت آباده
غم غربت ایدوب خسته عزیزیم سال منی یاده
اولوب زندان خراسانیم جوادیم گلمدی یارب
..
..
در و دیوار ایدر ناله اَسَفلی سوز و سازیمدن
وجودیم اود دوتوب یاندی بو زهر جانگدازیمدن
منیم اُلفتلی مهمانیم جوادیم گلمدی یارب
..
..
غریبم ملک غربتده غریبه آغلیان اولماز
غریبون جان ویرن لحظه گوزینی باغلیان اولماز
یانومدا یوخ خانم باجیم اورگین داغلیان اولماز
داروخدی قلب ویرانیم جوادیم گلمدی یارب
..
..
گلوب عالی کمال اوغلوم قولینی بوینوما سالسون
چوورسون قبله سمتینه دیزینه باشیمی آلسون
ایکی مظلوم ایداق صحبت یورولموش روح دینجالسون
دوداقیمدن آخور قانیم جوادیم گلمدی یارب
..
..
ادب گوزله همیشه «منتظر» سوز یاز ادیبانه
الین دوشده سلام ایله یولون دوشسه خراسانه
شرا فتدور فضیلتدور مبارک قبری ایرانه
بویوردی طاقت جانیم جوادیم گلمدی یارب
..
..
#رضویه #منتظری #رضویه_شهادت #ترکی #زبدةالاشعار