در مدح و شهادت امام رضا (ع)
گریز به #غارت_خیام
..
..
رضا غلامپور (دلپاک)
..
..
ای الفتی مشتق هامی الطاف خدادن
وی کشف اولونان خصلتی اسرار عطادن
..
..
ای جمله حریمونده ملائک سنه مرئوس
سنله نه صفا بخشیدی وی آیت حق طوس
هر کیم گله اول درگهه حاشا اولا مأیوس
هر گوشه سی چون جلوه تاپیب خشت سخادن
..
..
ای قامتی تندیس کرم فیض مجسّم
حقا سنه شایسته دی بو شکل معظّم
کیم سایه نشین حرمون اولسا مسلّم
بی شکّ کوچوبدور داخی وادی بلادن
..
..
مأنوسیدی فرق فلک پایهٔ لطفون
مأوای محبتدی هامی سایه ی لطفون
بیر گنج گران مایه دی سرمایهٔ لطفون
کیم ارزشی معلومیدی اظهار گدادن
..
..
چون صاحب مجموع کرامتدی ضمیرون
بیر جمع بوسان دام ارادتده اسیرون
والهی که یوخ مهرو محبتده نظیرون
لبریزیدی جام نظرون لطف و عطادن
..
..
ای فکرتی هر مزرعهٔ خالق حاصل
هچ فکر اولا بولمز بو تفکرله مقابل
واللهی که هر کیمسه اولا حقّیزه قائل
باک ائتمیجاق محکمهٔ یوم جزادن
..
..
مأوای محبّتدی هامی قلب سلیمون
بیر قطعه جنانّاندی او درگاه عظیمون
یوخ یوخ اوزو بیر جنّت الاعلادی حریمون
قرطاس تجلّاسی منقّشدی صفادن
..
..
پیوسته سالیر دل حرم قدسوی یاده
کویونده گزیر تا چاتا مقصود و مراده
خاصه اوزمان کی یئتیشیر باب جواده
باخدوقجا تاپیر فیض صفانی او فضادن
..
..
حقّا کی گرک تابع افکارون اولام من
شوقیله گلوب نوکر دربارون اولام من
پروانه صفت زائر زوارون اولام من
صحنونده دوتام اود شرر شمع وفادن
..
..
ای درگه پاکونده چاتان حاجته توّاب
نورحرمون قاره گجه قبلهٔ مهتاب
کسب ائتماقا زر رنگینی خورشید جهان تاب
بیر لحظه گوتورمز گوزون ایوان طلادن
..
..
سالدی سنی غربتده جفا اهلی ملاله
دوشدون او جفائیله خدا بولدی نه حاله
دوشدوقجا او تصویر غمون قاب خیاله
نالم سسی هر لحظه گئچیر نای نوادن
..
..
اوّلده جفائیله جلای وطن اولدون
وادی ملالتده انیس محن اولدون
تا محرم خلوتگه بیگانه سن اولدون
اود دوتدی آلیشدی اورگین زهر جفادن
..
..
اولسیدی حضورونده عیالون چالیشاردی
دردین سوروشوب محنت اودوندا آلیشاردی
گوز یاشیوی سیلدوقجا سنیله دانیشاردی
سویلردی دانیشدوقجا سنه درد و دوادن
..
..
لبّیک دئدون شوقیله جان اوسته بلایه
مشغول ائلدون غملی دلی حمدو ثنایه
ال سینه ده دوتدون سورا اوز کرببلایه
یاد ائتدون اودم پادشه کرببلادن
..
..
عرض ائتدون ایا ای غمی هر عالمه مستور
مین عالمی بیر دردی ائدن نالیه مجبور
بیر جبر گرانیله مقدّس دلی رنجور
وی قتلگهینده کسیلن باشی قفادن
..
..
نیرنگیله بیر ظالم ائدوبدور منی مسموم
اود تک اورگیم باشی یانیر ای شه مظلوم
غربتده ملالیم دگی بیر کیمسیه معلوم
یوخ بیر کسین آخر خبری حال رضادن
..
..
آهیله یاریلمیش اورگی داغلیوب ئولّم
گوز یاشیمی گوزدن بو اوزه باغلیوب ئولّم
جان اوسته سنه روضه دئیوب آغلیوب ئولّم
تا فیض یئته باغلی گوزم اشک عزادن
..
..
هر لحظه هویدادی بو گوزلرده ملالین
بیر حدتیله قول قولا باغلاندی عیالون
اهل حرم اولدی عیان سر خیالین
باخدین او زمان کی باجیوا نوک جدادن
..
..
غارتده خیامون هامی اهلیله تالاندی
بیر سویها سوی اولدی که هله سرّی نهاندی
تا خیمه لرون آتش بیدادیله یاندی
اوز قویدی بیابانه چیخان خیمه سرادن
..
..
غارت نجه غارت دئمه غارت ده قیامت
یوخ یوخ که قیامتده ده اولماز بئله ساعت
غوغائیله گور کیملر ائدور کیملری غارت
کچموش بوقشون گور نقدر مرز حیادن
..
..
یئر تیتردی بو کینه بناسی قویولاندا
شمشیر بلائیله اورکلر اویولاندا
قیزلار دئدی ای وای بابا یکسر سویولاندا
بیر رحم ولی گورمدیلر قوم دغادن
..
..
دلپاک آلیسان تا دله محنت بو رقمدن
ناله اوجالیر دفترین اوستونده قلمدن
سویلور بونه محنتدی کی یازدوقجا بو غمدن
الاندا گلور ناله سسی ارض و سمادن
..
..
#رضویه #دلپاک #رضویه_شهادت #ترکی #زبدةالاشعار
نظر دهید