زبدةالاشعار

یخدیلار قاسمی آتدان یره گل داده عمو #قاسمیه

شهادت حضرت قاسم علیه السلام
.
✍️ زبدة الاشعار ✍️

?: @nohe_torki
.
مرحومین بیخود و واقف سرابی
.
یخدیلار قاسمی آتدان یره گل داده عمو
كسمه میش باشیمی دشمن یتیش امداده عمو
.
.
یارالاندیم سوسوزام یاندی عطشدن جگریم
بلبلم ناوك خاریله سینوب بال و پریم
سینمه جان یتیشوب خیمه ده قالدی نظریم
جان ویرنده سالی بلبل گلینی یاده عمو
.
.
سوسوزومدان جگریم لاله صفت قانه دونوب
سینم اوسته دگن اوخلار صف مژگانه دونوب
گل ویروب یاره لریم غنچۀ خندانه دونوب
گورسه بو گلشنی بلبل گَلی فریاده عمو
.
.
جسمیمی ناوک پیکانه نشان ایلدیلر
آنامون قدّینی هجریمده کمان ایلدیلر
جدول مصحف رخساریمی قان ایلدیلر
یازدیلار نعشیمی گلمز یارا تعداده عمو
.
.
بیر جوان مرگ غریبم گیدوب الدن وطنیم
اوز لباسیم بویانوب قانه اولوبدور کفنیم
آتلارین دیرناقی آلتندا قالوبدور بدنیم
قتلیمه ایمدی عمرسعد اولوب آماده عمو
.
.
ایسّی گون یاره لریم سوزشی همرازیم اولوب
خاک و خون ایچره منیم حجله گه رازیم اولوب
جان گلوب سینمه جانانه طرف عازم اولوب
گله جاق عمّه لریم ناله و فریاده عمو
.
.
ایسترم باشیمون اوسته یتیریدون اوزیوی
قان دولان گوزلره باخ اشکیله دولدور گوزیوی
گل گوروم بیرده او پیغمبره بنزر یوزیوی
زندگانلوق منه بو لحظه دی دنیاده عمو
.
.
بیر طرفدن شه لب تشنه دیردی گلورم
او جوابینده دیردی عمو تیز گل ئولورم
بو دیردی ای اوغول سن نه چکورسن بولورم
او دیردی گیدورم جدّیمه من داده عمو
.
.
ایسترم بیرده رمق سیز بدنه جانی گورم
عشق طورینده کلیمم او تجلّانی گورم
ای یدالله الون آچ اول ید بیضانی گورم
بو کرامت گورونور حضرت موساده عمو
.
.
کاش «واقف» یخلیدی فلکین بنیادی
چخدی «بیخود» فلکه اهل حرم فریادی
آه او گوندن شه دین گوردی دیر صیادی
یخدیلار قاسمی آتدان یره گل داده عمو
.
.
#سبک_یارالی_جان_یارالی (بیش از 4 سبک شامل سبکهای کربلا منتظر ماست … شهریاریمسن آقا …. )
.

متن پیشنهادی:  شکفته بیر گل اولوب گلشن رسالتده #حسنیه_فیروز_جوانشیر

#قاسمیه_شهادت
#یخدیلار_قاسمی_آتدان_یره_گل_داده_عمو
#بیخود
#واقف_سرابی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی