یوسف گم گشته … #مهدیه_طیب

#یوسف_گم_گشته
.
.

طیِّب
.
یوسف گله جک بیرده بو کنعانه تلسمه
عالم دونه جک جنت و رضوانه تلسمه
.
سیخما اوره گون ای دل غمدیده که الله
سامان وئره جک بی سر و سامانه تلسمه
.
بی جا یره چرپنما و سرگشته دولانما
رونق وئره جک حال پریشانه تلسمه
.
عمرون که وفا قیلسا اگر فصل بهاره
گل چتری توتان باشه گلستانه تلسمه
.
دوران جهان اولماسا گر وفق مرادون
غم غصّه یتوب چرخش دورانه تلسمه
.
مین نقشه قالوب پرده ی دنیاده ازلدن
واقف دگوسن پرده ی پیمانه تلسمه
.
کشتی سوره نون نوح نبی دور نه هراسون
گئدمکدن اوتور ساحل عمانه تلسمه
.
یولّار که اوزاق اؤلموش وهرچند خطراتی
یوخدور اویولی یتمیه پایانه تلسمه
.
احوال پریشانه خدا جور رقیبه
واقفدی ازلدن دل دیوانه تلسمه
.
مین خارمغیلان توتا هر لحظه ایاقون
روحون گوزی گر گلسه ده افغانه تلسمه
.
ای طالب کعبه که یاتیرسان تیکان اوسته
بیر گون یته سن کعبۀ جانانه تلسمه
.
#حافظ نه قدر هرگجه قرآن اوخویرسان
جنت دی یرون آند اولا قرانه تلسمه
.
بلبل که تابون یوخدی بو هجران و فراقه
حسرت ده قالوب موسم بستانه تلسمه
.

#مهدیه
#طیب
#ترکی
.