زبدةالاشعار

یتمه میش اتمامه شاه کربلانون اربعینی #سجادیه_سعدی_زمان

شهادت حضرت امام سجاد علیه السلام
.
.
.
مرحوم حسینی سعدی زمان
.
.
یتمه میش اتمامه شاه کربلانون اربعینی
ظلمیله هشّام مسموم ائتدی فخر الساجدینی
.
.
شیعه نین اگنینده غمدن وار هله ماتم لباسی
تازه دن بیر غم یتیشدی تازه لندی غم لباسی
وار یری نیلی گر اولسا آدم و خاتم لباسی
سندیروب آل امیّه چونکه بیر رکن رکینی
.
.
عالم امکان وجوده گلمییدی کاش عدَمدَن
اگمییدی بار محنت قامت زهرانی خمدن
ای صبا گئتسن بقیعه وئر اشاره بو اَلَمدن
تا اوجالسون عرشه یردن عصمت کبری حَنینی (1)
.
.
عرض ایله ای دخت طاها گل فغان و داده آغلا
آل طاهایه بنی حرب ایلین بیداده آغلا
گَه خانیم اوغلون حسینه گَه بالان سجّاده آغلا
گونۀ زرفامه گوزدن قیل روان دُرّ ثمینی
.
.
چوخ جفا و جور ائدوبدور بو امامه قوم اعدا
گولمیوب بیر گون اؤرکدن مدّت عمرینده اصلا
شاه دین مقتول اولان گون شمر شوم بی مهابا
چکدی عریان ناقه اوسته کوفیه بو بی معینی
.
.
کوفه ده ابن زیادین مجلسینده گوردی چوخ غم
گوز یاشی آخدی گوزوندن گول یوزونده دوزدی شبنم
چرخ دون سالدی فشاره بو شهنشاهی دمادم
حالینه اود دوتدی یاندی زینبون قلب حزینی
.
.
غُلّ جامع گردنینده دستگیر اولدی لئامه
بی مروّت آل هندین یتمدی ظلمی تمامه
یتدی نه وضعیله بُلمَم حجّت حق شهر شامه
اوتلی نی لر ائتدی سوزان رأس زین العابدینی
.
.
اولمیوبدور آل طاها تک اولان مظلوم دوران
گاه سجّاده ووروبلا غُلّ جامع قوم عدوان
گاه اولوب موسی ابن جعفر قیدیله مأنوس زندان
گه حسین قانی یم ایلوب خشک و سوزان سرزمینی
.
.
تا نفس وار بو «حسینی» وار یری گر اولسا گریان
گوز یاشی یاغدورسا گوزدن عارضه مانند باران
جدّینی ئولدوردی اعدا سو کنارینده لب عطشان
بی کفن قالدی یر اوسته جسم پاک و نازنینی
ـــــــــــــــــــــــــ
(1)حنین بمعنی ناله
.
.
#سبک_ای_ویرن_ویرانه_یرده … 3 سبک
.
.
#سجادیه_شهادت
#سعدی_زمان
#یتمه_میش_اتمامه_شاه_کربلانون_اربعینی
#آثارالحسینی2 ص 217
#ترکی
#زبدةالاشعار

متن پیشنهادی:  ای امام ابن امام یابن زهرا السّلام #اربعین_مژده_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی