اربعینوندی ای شاه شهیدان حسین #اربعین_سیدبشیرحسینی

زائر اربعین – آرزوی کربلا
.
زبدة الاشعار
.
?: @nohe_torki
.
.
سید بشیر حسینی میانجی
.
اربعینوندی ای شاه شهیدان حسین
هر طرفدن گلوب قبریوه مهمان حسین
.
زائر اربعین
ایلییر شور و شین
یاحسین جان، یاحسین جان
.
.
.
.
قلب لر کاسه سی درد و غمیله داشور
دسته دسته گلوب هامّی بورا باشدا، شور
سس قوشوب بیربیره اهل ولا آغلاشور
.
ایلیرلر نوا
غملی دور نینوا
یاحسین جان، یاحسین جان
.
.
.
.
قیرخ گونی شیعه لر هر یئره چکمیش قارا
چوخلارین اولدی یولاّردا ایاقی یارا
بیزی قووسون اگر گئتمه لی اولّوق هارا؟
.
ای کرم آیه سی
قووماسان هئچ کسی
یاحسین جان، یاحسین جان
.
.
.
.
قلب لرده اولان قان سنون عشقونده دی
جسم لرده گزن جان سنون عشقونده دی
بیر بئله نذر و احسان سنون عشقونده دی
.
قیل نظر زائره
ذاکر و شاعره
یاحسین جان، یاحسین جان
.
.
.
.
زائر عرش دور کرب و بلا زائری
زائروندی سنون یعنی؛ خدا زائری
پیشواز ایلییر خیرنسا زائری
.
ای گل فاطمه!
عشقه یوخ خاتمه
یاحسین جان، یاحسین جان
.
.
.
.
چوخ مریض لر گلوب بو یئره، آلسین شفا
آقام عباس اوزی دردلره ایلر دوا
بیز گنه ایستیروق تذکره ی کربلا
.
بوردا دیل دینجلیر
دویمادیق حق بیلیر
یاحسین جان، یاحسین جان
.
.
.
.
ایسته بو جمعیله هر «سَنَه» زوّار اولاق (1)
هم ابوالفضلیوه هم سنه زوّار اولاق
زینبین تلّینه بیز گنه زوّار اولاق
.
تا ولائی اولاق
کربلائی اولاق
یاحسین جان، یاحسین جان
.
.
.
.
وار «بشیر»ین اورکده سنه بیر مطلبی
واسطه ایلیور قلبی یانان زینبی
آلماسین اوندا آلله بو بویوک منصبی
.
شاعر اولموش سنه
زائر اولموش سنه
یاحسین جان، یاحسین جان
.
(1) سَنَه = سال
.
.
.
#سبک_یا_امام_زمان_شیعه_ده_احساسه_باخ
.
.
#اربعین
#آرزوی_کربلا
#اربعینوندی_ای_شاه_شهیدان_حسین
#سیدبشیرحسینی
#ترکی
.
#زبدةالاشعار
.
?: @nohe_torki