خوش حالوزه ای معنی قرآنی بیلنلر #قرآن_کهنمویی

پندیات در باب قرآن
.
.
مرحوم سید حسین کهنمویی ( #ریاضی_تبریزی ) (1)
.
خوش حالوزه ای معنی قرآنی بیلنلر
عامل اولان احکامنه ایمانی بیلنلر
قرآن اوخینلر – قرآنی بیلنلر
.
.
سیز یاخشی گورورسوز نئجه دین دربدر اولدی
پیغمبروزین چکدیغی زحمت هدر اولدی
دین اهلنه دینه عمل ایتماخ ضرر اولدی
دینایه باخوب شیوه دنیانی بیلنلر
قرآن اوخینلر – قرآنی بیلنلر
.
.
ای معنی آیات خدانی دوشوننلر
ای گردش دوران جهانی دوشوننلر
ای مفسدۀ پیر و جوانی دوشوننلر
ای وعده اولان دوره دورانی بیلنلر
.
.
دقتله گورورسوز نه که قرآندا اوخورسوز
عکس العملین دینلی مسلماندا اوخورسوز
دین شهری اولان ملکده هر یاندا اوخورسوز
ای دین یولونی دینده کی ارکانی بیلنلر
قرآن اوخینلر – قرآنی بیلنلر
.
.
ای آتش هجران امامیله یانانلار
ای مذهب بابینی بهائینی دانانلار
ای معنی قرآنی حقیقتده قانانلار
شیطانی گوروب حیله شیطانی بیلنلر
.
.
.
ای کاش هامی معنی قرآنی بیلیدی
قرآنیله گردندۀ دنیانی بیلیدی
قرآن اوخیوب معنی ایمانی بیلیدی
قرآن اوخین معنی ایمانی بیلنلر
.
.
سیز یاخشی بیلورسوز که بو ایشلر باشا گتمز
عدلیله ستم جفت یاشایار جفت قوشا گتمز
هر ظلم بناسی داغلوب یولداشا گتمز
ای هر عملین صاحبی انسانی بیلنلر
قرآن اوخینلر – قرآنی بیلنلر
.
.
.
ای کاش آچیلیدی بیزه بیر مکتب قرآن
تا ئورگشه قرآن اولا هریرده مسلمان
معنانی بیلن حكمه عمل ایلیه هر آن
عامل اولی هر بیر سوزه معنانی بیلنلر
.
.
قرآنه اگرعامل اولیدی بوجماعت
ظلم و ستم و جور ایدن ایتمزدی جسارت
هر شهرده اجرائیدی قانون عدالت
ای بوعملین حکمنی فرمانی بیلنلر
قرآن اوخینلر – قرآنی بیلنلر
.
.
قرآن بیزه گلدی که اوخونسون عمل اولسون
پیس ایشلریمز یاخشی ایشیله بدل اولسون
تغییر طریق اولمیا دین ازل اولسون
ای مذهب حق معنی قرآنی بیلنلر
.
.
.
قرآنینون احکامنه بیزدن عمل اولسا
رفع ایلر اونون خالقی هرنه خلل اولسا
کافر گورر اسلامی اگرال به ال اولسا
اسلامه گلر موسی و عیسانی بیلنلر
قرآن اوخینلر – قرآنی بیلنلر
.
.
.
دنیا دوزه له بیلمز اگر اولماسا قرآن
معناسین اونون بیلمسه دنیاده مسلمان
قرآنه عمل ایتمین حیرتده دی هر آن
ای حق تانیوب خالق یکتانی بیلنلر
.
.
.
بیر گون که گلر عصرین امامی بوجهانه
قرآنه عمل ایلر او سلطان یگانه
قرآن نیه ئورگشمه میسن یوخدی بهانه
ای صاحبین اسلامین او سلطانی بیلنلر
قرآن اوخینلر – قرآنی بیلنلر
.
.
دنیا گچه جاق دوره قرآن اولاجاقدی
معنانی بیلن شاد و خرامان اولاجاقدی
عصرین گله جاق صاحبی سلطان اولاجاقدی
ای حق ایلین وعدیه ایفانی بیلنلر
.
.
چوخ ایل چالشوب مکتب قرآندا ریاضی
چوخ شرح ویروب معنی ایماندا ریاضی
تبریزده بو خطۀ ایراندا ریاضی
شاهددی منه معنی قرآنی بیلنلر
قرآن اوخینلر – قرآنی بیلنلر
….
(1) در سال ۱۳۴۱ شمسی بود که این اشعار گفته شد، در این دوران من خودم ناظر بودم در اکثر مساجد که هیئت های حسینی و بسیار تعزیه و مجالس ترحیم بر پا میشد مثلا موقع ظهر و یا عصر وقت نماز که میشد اولا وقت اول نماز را مراعات نمیکردند، مجلس مربوطه را در اذان نماز ادامه میدادند و اگر نماز شروع میشد در مسجد به نماز نمی ایستادند، می نشستند و یا از مسجد خارج میشدند و بعد میامدند ادامه مجلس را اجرا میکردند که واقعا اسف آور بود ولی در اثر گفتار و نوشتار این مرحوم و امثال او وضع بتدریج اصلاح شد.
.
.
#پندیات_کهنمویی #ریاضی_تبریزی #قرآن #پندیات_کهنمویی
#خوش_حالوزه_ای_معنی_قرآنی_بیلنلر
#ترکی
.
#زبدةالاشعار
.
: @nohe_torki