زبانحال حضرت صغرى(س)
خروج از مدینه
.
#زبدةالاشعار
.
: @nohe_torki
.
مرحوم صدری اردبیلی
.
على صغرا اولا قربان او قرا دیده لره
ناخوشام رحم ایله قارداش منه گتمه سفره
.
.
آتام اوغلى على اکبر باشووا من دولانوم
اولما راضی من بیچاره فراقونده یانوم
بیرجه گل قولتوقما سینوه قارداش دایانوم
قولوی بوینما سال رحم ایله بو خونجگره
.
.
من دیردوم که منیم دردیمون هر آن اودینی
اکبریم سوندیره جک دهریده سوزان اودینی
سن توکورسن بو اودون اوستونه هجران اودینی
من مریضم علیجان جانیمی سالما خطره
.
.
ای جوان سندن ایدر خواهشی بو خواهر زار
ممکن اولسا من بیچاره نی یانونجه آپار
بو توقع که برادر ایدورم علتی وار
سن گیدندن صورا ئولمک لیگمی آل نظره
.
.
بو دگل رسمده قارداش باجلیق قاعده سی
باجینی ترک ایده قارداش ایده هجران زده سی
قارداش الدن گیده قالسا باجی نه فایدہ سی
باجینون فخریدی قارداش اونی قبره یتوره
.
.
بیر کنیز ایله آپار من وطن آواره سینی
ساخلارام منده ربابون او جگر پارہ سینی
اصغرون ترپدرم هر گجه گهواره سینی
دیرم لایلای حزین صوتیله اول صودامره
.
.
.
#خروج_مدینه_صدری_اردبیلی
#على_صغرا_اولا_قربان_او_قرا_دیده_لره
#ترکی
.
#زبدةالاشعار
.
: @nohe_torki
نظر دهید