یوم عاشورادی یا بلمم نه عالمدور بو گون #عاشورا #ذهنی_تبریزی

#عاشورا_گونی
.
#زبدةالاشعار
.
: @nohe_torki
.
مرحوم ذهنی
.
یوم عاشورادی یا بلمم نه عالمدور بو گون
یا قیام ایلوب قیامت حشر اعظمدور بو گون
.
.
تاجینی وورموش یره جبریل آغلار قدسیان
انبیا ماتم دوتوب ختم رُسُل ایلر فغان
فاطمه باشه ووروب سسلر اوغول وای هر زمان
باش آچوب گریان اولان سارا و مریمدور بو گون
.
.
بیر طرفده دسته دسته لشکر عدوان دوروب
سر بسر الده سنان و خنجر و پیکان دوروب
بسکه ناحق قان توکوبله لجّه لجّه قان دوروب
کربلا صحراسی گویا قانلی بیر یَم دور بو گون
.
.
بیر طرفده موج ایدر دریا کیمی آب فرات
بیر طرفده العطش سسلر بنات طاهرات
سو دیوب زهرانین اولادی ایدر ترک حیات
چون آنانین حقّی اولاده محرّمدور بو گون
.
.
.
اشقیا از بس ویروب یاره شه بی یاوره
سانجلوب اوخ دسته دسته زخم تیر و خنجره
فاطمه خون دلیله بسلین گل پیکره
قانلی تپراق ایسّی کول ترکیبی مرهمدور بو گون
.
.
بزم وحدت قان فراشینده قوروب شاه حجاز
باشلیوب عشق عالمینده یاریله راز و نیاز
قان دولان گوزده هویدادور تمام اسرار راز
چون حقیقی عاشق هر اسراره محرمدور بو گون
.
.
بیر نفر سقا یخوبلار سو کنارینده سوسوز
دمبدم سوز عطش ایلر وجودینده بروز
سو تک اوز قانین ایچر از بس دوتوب گل جسمی سوز
چون سودان قربان عشقه قان مقدّمدور بوگون
.
.
سرنگون دوشموش فرات اوستونده بیر قانلی علم
یوخ علمدارین قولی صاق و صولی اولموش قلم
سبقت ایلر قتلینه اون یدّی کافر دمبدم
اوزگه بیر عالم کنار نهر علقمدور بو گون
.
.
بسکه قانلار آخدی جور ملّت سفّاكدن
آز قالوردی سطح خاکه قان یاغا افلادن
سپدی ناگه قانلی بیر ال قان سپهره خاکدن
تا بولونسون نظم عالم نامنظّم دور بو گون
.
.
قیلدی بیر تجلیل او قانه ذات قدس ذوالجلال
بو جلالتده جلیل لم یزل تک یوخ زوال
بولدی صاحب قان اوزون بو قانه حیّ لایزال
گور او حادث قانه صاحب ذات اقدم دور بو گون
.
.
.
#عاشورا #ذهنی_تبریزی
#عاشورا_گونی
#یوم_عاشورادی_یا_بلمم_نه_عالمدور_بو_گون
#ترکی
.
#زبدةالاشعار
.
: @nohe_torki