ویردیلر فرمان توکولدی خیمیه لشکر بابا #غارت_خیام_رجایی_تبریزی #کهنمویی

غارت خیام
.
✍️ #زبدةالاشعار ✍️
.
🆔: @nohe_torki
.
مرحوم رجایی تبریزی و کهنمویی
.
ویردیلر فرمان توکولدی خیمیه لشکر بابا
هارداسان گل باشمیزدا قالمادی بیر معجر بابا
.
.
سعدون اوغلی صادر ایتدی حکم غارت لشکره
یوز قوقوب دور خیمیه آتلی پیاده یکسره
خورداجا قیزلار حسین وای دیلده قاچدی چوللره
داده قارداشیم علیِّ اکبری گوندر بابا
.
.
عزّتیله بسلَنَن گونلر دوشنده یادیمه
مایۀ حیرت اولور بو خاطر ناشادیمه
هاردا دور قارداشیم اکبر گلموری فریادیمه
غم گونونده هر باجی، گل قارداشیم سویلر بابا
.
.
یوخسا بو نوعی بیزی تاپشوردی جدّیم اُمّته
سالدیلار اُمّت بو صحراده بیزی چوخ زحمته
گوشوارم کی علی آلموشدی گیتدی غارته
قالمادی بی کس قیزوندا زینت و زیور بابا
.
.
آت دوشونده بیر نفر من بی کسی سالدی چوله
بسکه ووردی باشیمه قمچی بابا گلدیم دیله
سویلدیم وورما منی ظالم یتیمم رحم ایله
بی پناه اطفاله رحم ایلر مگر کافر بابا
.
.
آغلاداردیم آغلیان وقتیمده آل هاشمی
سن سیلردون لطف اَلیله گوزده کی گوز یاشمی
گور نه مجروح ایلیوب دور تازیانه باشمی
صورتمدن پاک ایدر گردِ غم، اشک تر بابا
.
.
ای اولان بو دهرده هر بی پناهون مأمنی
چوللری حیران دولانّام هر دم آختارّام سنی
هارداسان یوخ دادرس قربانوام سسله منی
گل من بی چاریه چاره یولون گوستر بابا
.
.
اود دوتاندا خیمه لر قاچدی چوله آل عبا
قول قولا ویردی اوشاقلار دیلده فریاد و نوا
داده گل قویما سویولّار عترتون اهل جفا
قیزلارون حیران گزر چوللرده بی یاور بابا
.
.
هارداسان آل علینون افتخاری هارداسان
هارداسان ای قلبیمون صبر و قراری هارداسان
گَل اوزون قورتار بو قلب داغداری هارداسان
وای حسین وای ناله سیله دولدی بو چوللر بابا
.
.
نیلرم دنیانی من عزّت لباسین سویموشام
اوخلاناندا قارداشیم اصغر بو جاندان دویموشام
حسرتیله اللریمی سینم اوسته قویموشام
گُل کیمی خندان اولاندا قارداشیم اصغر بابا
.
.
دللرین بغض و عداوتله قُشون دولدوردولار
گلستان مصطفاده غنچه گللر سولدولار
خیمه نی غارت ایدنلر خیمیه اود ووردولار
قالدی گور نه گونلره اولاد پیغمبر بابا
.
.
خیمه لر یاندی تالاندی چوللره قاچدوخ تمام
قالدی بیمار اوددا اوندا اولمادی تاب قیام
زینبون اوددان چیخارتدی قویمادی یانسون امام
کیم کیمه دنیاده اوز جانین فدا ایلر بابا
.
.
قان ایدر گوز یاشوی عرض ایلسم بو مطلبی
ذّلته اولدی مبدّل بیزده عزّت منصبی
هارداسان گل معجر اوستونده دُیولّر زینبی
شاهدیم دور قولّاریمدا رنگ نیلوفر بابا
.
.
سویگلیدیم من سنه ای شهریار کربلا
حالیمی پوزقون گورنمزدون اَیا کان وفا
هارداسان بس گلموسن فریادیمه یاندیم بابا
غم گونونده اوز آتاسین هر بالا سسلر بابا
.
.
بازدیدِ دیدِ «اسلامی» اولوب دور علّتی
منزل «فرهودییه» جمع ایتدی بیر جمعیّتی
بو سوزه اولدی «رجائی» و «ریاضی» شرکتی
هم اولار هم اهل مجلس کربلا ایستر بابا
.
.
.
#غارت_خیام_رجایی_تبریزی #کهنمویی
#ویردیلر_فرمان_توکولدی_خیمیه_لشکر_بابا
#ترکی
.
✍️ #زبدةالاشعار ✍️
.
🆔: @nohe_torki