شیعه بو محنتده جگر قان اولوب #فاطمیه_دلریش

شهادت حضرت زهرا (س)
.
.
مرحوم دلریش
.
.
#سبک_ای_باشی_سرنیزده_معراج_ایدن
.
.
شیعه بو محنتده جگر قان اولوب
اهل جهان جمله پریشان اولوب
عرشه چخوب شور و شین
چون باش آچوبدور حسین
فاطمه یَه نور عین
چاک گریبان اولوب
.
.
عالمی بو غم ائلیوب خونجگر
جاری ائدرلر یوزه اشک بصر
اهل سماوات و زمین سربه سر
شوره گلوب دیده سی گریان اولوب
.
.
بنت رسوله دوتا هر کیم عزا
ایلر اوزین بی شک عزیز خدا
محو ائدر عصیانینی روز جزا
گرچه او کس غرقه عصیان اولوب
.
.
ياسه باتوب يثرب و بطحا بوگون
ناله ائدر عترت طاها بوگون
باشین آچوب زینب کبرا بوگون
کاری اونون ناله و افغان اولوب
.
.
مرغ گوگول باتدی ملاله گینه
ایلر اودور شوريله ناله گینه
کرب و بلا دوشدی خیاله گینه
شور نشور اوردا نمایان اولوب
.
.
آه او زماندان شه لب تشنه گان
ایستی قوم اوستونده وئروب تشنه جان
سویدی لباسین او شهین کوفیان
گل کیمی نازک بدن عریان اولوب
.
.
زینبه مشکلدی بو درد و محن
اولمادی بیر کیمسه اونی دفن ائدن
شعشعۀ گون اونا اولدی کفن
کیم بئله اوز قانینه غلطان اولوب
.
.
سن کیمی کیم ای شه کربوبلا
ایلدی جانانه بئله جان فدا
ووردی جدایه باشیوی اشقيا
خیمه لرون ظلمیله تالان اولوب
.
.
شرم و حیا ائتمدی قوم شرير
ایلدیلر اهل و عیالون اسیر
عابد بیمارون اولوب دستگیر
محمل اونا ناقۀ عریان اولوب