عشق مولا علی(ع)
.
مرحوم غمکش
.
آسمان معرفتده مهر و ماهیم یا علی
عالم عشق ایچره سن مولا وشاهیم یاعلی
درگهونده خادمم احسانوه فخر ایلورم
سنله وار بو دهریده اجلال و جاهیم یا علی
.
تاپدی عشق اهلی صراط المستقیمی عشقده
عشقون اولدی روزوشب برهان راهیم یاعلی
.
نفس پاك مصطفی و احمد مختارسن
لطف ایله لطفون اولا آخر گواهیم یا علی
.
دردمندم، سائلم الطافوین محتاجیم
داد فرما، دادبخش و دادخواهیم یا علی
.
دستگیرم چون قوی دشمن النده عاجزم
دفتر عدلونده چوخدور اشتباهیم یا علی
.
من اسیرم دست بسته سن امیر و سرپرست
حدّدن ازبس گیچوب جرم و گناهیم یاعلی
.
هل اتی وصفوندی ای عدل و حقیقت رهبری
حسنوه وابسته دور دلدن رفاهیم یا علی
.
قلبیمی قان ایلیور جور و جفاسی قنفذون
چون دوشور هر آن احادیثه نگاهیم یا علی
.
گون قباقینده قالوبدور مجتبانون مرقدی
یاندورار بو سینمی اوز دود آهیم یا علی
.
لطف ایله كحل بصر ایلوم تراب مقدمون
حشرده اولسون سفید روی سیاهیم یا علی
.
«غمكشم» غمخانه لر كنجنده غمدور مونسیم
یوخلیام بیدار اولام سنسن پناهیم یا علی
.
اولموشام بزم وصال عشقوین پروانه سی
آستانون كاش اولیدی خوابگاهیم یا علی
.
#حیدریه #غمکش #حیدریه_مدح #ترکی #زبدةالاشعار #یاعلی
نظر دهید