آسمان عشقیده بیر ماه تاباندور رقیه #حضرت_رقیه_فیروز_جوانشیر

شهادت حضرت رقیه (س)
.
.
مرحوم فیروز جوانشیر (خادم)
.
.
آسمان عشقیده بیر ماه تاباندور رقیه
نهضت کرب و بلایه خط پایاندور رقیه
.
.
مکتب عشق و وفاده درسینی ائتموشدی تحصیل
ایستیوبدور درس عشقین ایله سین عالمده تکمیل
صبر ائدوب ائتدوقجا اعدا روحینه هر ظلمی تحمیل
معنی صبر و تحمّل عشق و ایماندور رقیه
.
.
محنت و غملر قبالنده صبور اولدی دایاندی
عمه سیندن آلدى درسین مجمر غملرده یاندی
ایستدی اولسون موفق هر بلانی سهل ساندی
صبره مصداق مبرهن عشقه میزاندور رقیه
.
.
باغری دونموشدی اگر چه قانه اکبر ماتمندن
گوز یاشین گیزلین توکردی صورته گوز زمزمیندن
چون ادبدن ایستمزدی عمّه سی درد و غمندن
خاطری اولسون مکدّر گور نه انساندور رقیه
.
.
ایله بیر انسانین اولموب ارزشی افسوس معلوم
پردۀ کتماندا اعدا عزّتین ایلوبدی مکتوم
آرتیروبدور دلده دردین سینه سین ایلوبدی مغموم
سانمیوبدور خاطری غمدن پریشاندور رقیه
.
.
دویمادی بو چرخ وارون کینۀ دیرینه سیندن
بو قیزا وئردی مکان ویرانه ده اؤز کینه سیندن
آیریلار هاردا بو حسرت پرمحبّت سینه سیندن
میزبانِ ظالم و خودخواهه مهماندور رقیه
.
.
اولمیوب ویران سراده غصّه دن آسوده بیر آن
قلبینی دوندردی قانه محنت و اندوه دوران
ایلیوب اوز زلفی تک جمعیت کفری پریشان
خرداجا سنّیله عشقه زیب عنواندور رقیه
.
.
اول یری مسکن ائدنده عالمی ویران اولیدی
یا که سئیرینده بو چرخ سفله سرگردان اولیدی
هی دینده آغلاما عمّون سنه قربان اولیدی
صبر ائله آز قلبیمی نار غمه یاندور رقیه
.
.
اؤز باباسیندان آیردی بو قیزی دست زمانه
تیر هجرانه ائدوبدور نازنین قلبین نشانه
حدّیدن چیخدی جفاسی گلدی بو دردانه جانه
سانمیوبدور شاه دینون جسمنه جاندور رقیه
.
.
رسم عالمدور که عمّه چوخ سوور قارداش بالاسین
جانه سعی ائیلر اونون آلسین اولان درد و بلاسین
زینبینده غم آلاردی اوندا قلب باصفاسین
هر زمان گورسیدی غمدن دیده گریاندور رقیه
.
.
پر هما مثلی آچاردی باشینون اوسته سالاردی
چوخ محبت ایلیردی غصّه لی گوگلون آلاردی
جان کیمی قارداش بالاسی قیدینه دائم قالاردی
چون بولوردی یادگار شاه عطشاندور رقیه
.
.
گلشن عشقین دییردی یوخدی بو گل تک نظیری
ایلیوبدور نور رخساری خجل مهر منیری
کربلاده ظاهراً شمرین اولوبدور دستگیری
باطناً امّا اسیر عشق جاناندور رقیه
.
.
#حضرت_رقیه #فیروز_جوانشیر #حضرت_رقیه_شهادت #ترکی #زبدةالاشعار