ویرانه گتوردی منی نی تک دله عمه #حضرت_رقیه_صافی_تبریزی

زبانحال حضرت رقیه (س) در خرابه شام
.
.
مرحوم صافی تبریزی
.
.
ویرانه گتوردی منی نی تک دله عمه
دور بیرجه علاج ایله بو درد دله عمه
.
.
اولگون که بو شام ایچره منیم اولدی ورودیم
یتدی درجات غمه هر دمده صعودیم
سیراب اولوب اوز اشکمیله نخل وجودیم
تحصیل ایلیوب غم گتوروب حاصله عمه
.
.
مدّتدی بولورسن یوخی یوخ عمه گوزومده
منزل ایلیوب قافلۀ اشک یوزومده
چوخ واردی هراسیم ایدرم خوف اوزومده
بو منزلی ویران ایده بو قافله عمه
.
.
گوگلوم ایوینی محرم ایدوب تیر شماتت
یک دلدی منیله دم پیکان ملامت
هر لحظه یتر سرزنش خار محبت
پای دل مجروحیم اولوب آبله عمه
.
.
محروم ایلدی جور خزان چونکه گلیمدن
گل ذکرى ئولنجه دوشه مشکلدی دلیمدن
غربت وطنیم آیری قبیلمدن ایلیمدن
لایقدی اجل اشکیمی یوزدن سیله عمه
.
.
ویردوقجا شب هجرده درد غمه من دم
ویرّم دم صبحه دم گرم غمیلن دم
از بسکه سر زلف علی اکبره بندم
عمریم توکنور حال پریشانیله عمه
.
.
من ایسته میشم درد غم اوزگه هوسیله
ویرانه نی روشن ایدرم هر نفسیله
ایمدی اویادور عالمی بانگ جرسیله
چون قافلۀ عمر یتور منزله عمه
.
.
معتادیدى بیر بلبلیدیم عطره دماغیم
گیتدی گل و گلزار سولوب گلشن و باغیم
آخرده قوری یردی نه وار فرش و چراغیم
نه بیرجه بولن دردیمی خونابیله عمه
.
.
دریا کیمی از بسکه گلوب موجه ملالیم
مستغرق اولان حالینه تشبیهیدی حالیم
آز قالدی داشا باشدان آشا بحر خیالیم
جان زورقی مشکلدی چیخا ساحله عمه
.
.
چوخ چکدی ندندور بابامون گزدیگی راهی
نه گلدی سفردن اوزی نه گلدی سپاهی
سن بیله دیدون کیم گله جاق عمه صباحی
بیر گون چکه آز قالدی یته بیر ایله عمه
.
.
ایمدی بابامی عالم رؤیاده گوروردوم
لطف ایتماقا بیکسلره آماده گوروردوم
باشیمده یدالله الى معناده گوروردوم
بس نولدی مرادیم داخی گلمز اله عمه
.
.
آزادم اگر چه ایلیوبلر منی مغلول
وصل آختاران عمه اولی بو شغلیله مشغول
هر آن اوجالور دست سئوالیم بودی مسئول
تا دامن وصلت یته بو سائله عمه
.
.
بو عرضیم اگر چه ایده جکدور سنی دلگیر
ویر شمره خبر ایلمه بو باره ده تأخیر
آخر ئولورم اینجیدیری بوینومی زنجیر
ای سلسلۀ عشقده سر سلسله عمه
.
.
بو حال دلیله بو غم و دردله بولّم
عمر ایلمرم گوشه ویرانه ده ئولّم
حسرت اتکیمله گوزومون یاشینی سیلّم
سیلدوقجا گَلور تا یته خون دله عمه
.
.
یاندی اورگیم بیرجه بو احواله یانان یوخ
دل ناله سینه بو دل شبده او یانان یوخ
غم ناوکیدور هی توخونور قلبه دوتان یوخ
ویرمز گلن أوخ بیر بیرینه فاصله عمه
.
.
«صافی» نه روادور که خواتین مدینه
اول شام خراب ایچره قالا زار و غمینه
بیشک دیوری قبرده بیچاره سکینه
ویرانه گتوردی منی نی تک دله عمه
.
.
مین ایل یازاسان «صافی» بو محنت باشا یتمز
هر دلده که وار داغ سکینه داخى بیتمز
ایتسن نه قدر خدمت اونا بول هدر ایتمز
البته ویرَر خادمینه چوخ صله عمه
.
.
#حضرت_رقیه #صافی_تبریزی #حضرت_رقیه_شهادت #ترکی #زبدةالاشعار