وداع حضرت ابوالفضل (ع) از سرور مظلوم
..
..
#سبک_ساخلا_ناقه_می_کاروانیدن (8 سبک) …
#سبک_نقش_من_چرا_نقش_ماتمه …
..
..
مرحوم عاصی تبریزی
..
..
آه او وقتدن اولدی قول بويون
شاه کربلا سر سپاهیله
زینبه قيامت قيام ائدوب
قویدی یوز یوزه مهر ماهیله
..
..
بولدی آز قالور دست ظلموله
ماه هاشمی ایلسون خسوف
شمس برج وحدتده گورسنوب
انکساریدن حالت کسوف
دوشدی اضطرابه ستاره لر
باشلادی هامی ذکر یا رئؤف
رستخیز عیان اولدی برملا
دولدی کربلا داد و آهیله
..
..
ماه مهری دوتقون گورن کیمی
قالدی حیرتیندن محاقده
گونده، گوردی آی قالدی سیریدن
گورسنور بیر اوزگه سیاقده
لطف ائدوب اوزی گوستروب شفق
مهر، ماهه بو اتّفاقده
هم نشان وئروب خط سیرینی
آیریلاندا کامل نگاهیله
..
..
رسمدور دوشر گون دالنجا آی
هر زماندا نور ایلر اکتساب
عاشر محرمده عکس اولوب
دوشدی حيرته اهله نُه قباب
نه گونیدی بیر ائيله گون خدا
آی دالنجا دوشموشدی آفتاب
سير ائدوب همان آی گئدن یولی
بیر نچه قدم شاهراهیله
..
..
اولدی ملتفت ناگهان گوروب
سر سپاه سلطان بی معین
غصّه لی پریشان پیاده پا
آردیجا گلور شهریار دین
بو قضيّه سلب ائتدی طاقتين
گئتدی اختیاری اولوب غمین
سالدى مرکب اوستن اؤزون یره
آچدی صحبته دل او شاهیله
..
..
عرض قیلدی بو نوعی گلماقون
بی نهایت ائتدی منه اثر
علّتی ندور بیله آغلوسان
گول یوزونده واردور سرشگ تر
پوزما حاليوى شاميان باخور
قارداشون ابوالفضل ئولوب مگر
هر قدر ساقام ساخلارام علم
باشون اوسته من عزّ و جاهیله
..
..
گوردی غم غباری او سرورين
چون دوتوب رخ حق نماسنی
اؤز ارادتين ظاهر ایلدی
آچدی باشی اوسته لواسنی
خيمه لردن عباس آلوب او دم
زینبون صدای بکاسنی
یاندی خاطری گلدی ناليه
آغلادی شه بی پناهیله
..
..
قارداشين یولا سالدى خيميه
گلدی رزمگاهه او باوفا
خیمه لرده افسرده حاليله
انتظاریدی شاه کربلا
گئچمدی او قدری گوروب حسین
سس گلور که ادرکنی یا اخا
تیتردی دیزی گوزده گوندوزی
بیر اولوبدی ليل سياهیله
..
..
سرعتیله میدانه یوز قویوب
کسدی بین رهده قضا يولون
دوردی مرکبی باخدی راکبی
گوردی قارداشین یرده صاق صولون
ذوالجناحدن اندی شه یره
گوتدی قارداشین هر ایکی قولون
باسدی سینیه بولدی قارداشین
حالنی او عَدلین گواهیله
..
..
بیر یره یتیشدی شه زمن
خاک و خون آرا تاپدی، قارداشین
چکدی ناله اَلآنَ اِن کَسَر
توکدی صورته قانلو گوز یاشین
اللری بئلینده کوچوب یره
آلدی دیزلری اوستونه باشین
گوردی باشنون قانی چوخ گئدوب
یر دولوبدی خونین میاهیله
..
..
چوخ یواش یواش سیلدی گوزلرین
پاک ائدوبدی پیکان یاراسنی
چشم نازینه قویدی لبلرین
اؤپدی تیر پرّان یاراسنی
گوردی باشنون قانی دورموری
خشک ائده او قاندان یاراسنی
کاسۀ سری خُرد خُردیدی
بیر اولوبدی باش سجده گاهیله
..
..
آچدی گوزلرین بیر او حالده
حسرتيله سقّای تشنه لب
عرض قیلدی بو یاتماقيم دگول
سیّدی طریق ره ادب
سن ولیک آگاهسن منیم
وار بو حالیمه اوزگه بیر سبب
سلب اولوب توانیم وجودیدن
ظلم قوم آئین تباهله
..
..
ایندیکه گلوب لطفوله منیم
باشیم اوسته سیلدون سرشگیمی
اولماسن رضا ائیلیم روان
بیرده صورته قانلو اشگیمی
قوی قالا بو حاليله نعشیمی
خیمیه آپار اوخلی مشگیمی
واردی خجلتیم من گئدنمرم
چوخدی فاصله خیمه گاهیله
..
..
«عاصی» عرض ائدور قلبدن اؤزوم
راضیم فضای محوّله
لیک بیر امیدیله من شها
سالموشام سنون دامنون اَلَه
جانه گلموشم روزگاریدن
تنگ اولوب داخی صبر و حوصله
دوشموشم دخیل آستانووه
بوش اليله چوخلی گناهیله
..
..
..
#عباسیه #عاصی_تبریزی #عباسیه_شهادت #ترکی #زبدةالاشعار
آه او وقتدن اولدی قول بويون #عباسیه_عاصی_تبریزی
نظر دهید