گل عمو یتوردی عهدین عرصه ده تمامه قاسم #قاسمیه_سیفی_اردبیلی

استمداد حضرت قاسم علیه السلام
..
..
سیفی اردبیلی
..
..
گل عمو یتوردی عهدین عرصه ده تمامه قاسم
دوشدی چون غزال زخمی قتلگهده دامه قاسم
..
..
شکری واردی کوی حقده سالمشام اله سعادت
اولمشام اون اوچ یاشیندا منده سالک طریقت
آخرین نفسلریمدى الده بادۀ شهادت
اکبرون ره ولاسین خوش ویرور ادامه قاسم
..
..
من یتیم مضطریدوم حقّیمه كفالت ایتدون
درس عشقی سندن آلدیم سن منی هدایت ایتدون
یوللادون جهاد دینه شامل کرامت ایتدون
یاخشی چاتدی شکر لله نیتینده کامه قاسم
..
..
سسلدیم سنی هرایه اعتباریمه تاپام ال
ای ولی امر مطلق حافظ کتاب منزل
سانما عرضیمی جسارت سسلدیم سنی عمو گل
ایستدیم بو سون نفسده ال تاپا سلامه قاسم
..
..
سن که بیزلری بو کوی عشق و اتحاده گتدون
بیر به بیر رضایت آلدون صحنۀ جهاده گتدون
اکبرون اَوَلده نعشین خیمیه عباده گتدون
عاشق اولدی بو خلوص نیت و مرامه قاسم
..
..
بو مقدّس آرماندا منده شوریدوم سراپا
یالواروب اجازه آلدیم تاپدیم افتخار عُظما
شهدیدن شهادت امری اولدی روحیمه گوارا
بوی خونی عطر گلدن خوش بیلوب مشامه قاسم
..
..
قیل منى رهین منّت كُوز قالانماسون کوز اوسته
باخ بو امتحان عشقه گور دایانمشام سوز اوسته
ممکن اولسا اکبرون تک باشیمی گل آل دیز اوسته
خوشدی جان ویرنده باخسون صورت امامه قاسم
..
..
سفره ون اون ایلدن آرتق دادمشام دوزین غذاسین
دامنونده ایتمشم ناز ای کریم آل یاسین
سنده گل بویور مبارک قاسمون بوطوی حناسین
بزم عشق و الفتونده خوش گیوبدی جامه قاسم
..
..
خورداجا غلامون اولسا لطفوه اگر سزاوار
گل جهادیمی عیار ایت سویله قاسم اللرون وار
منده قوی ئوپوم الوندن آخرین زمان دیدار
تا گورن دیسون یتشدى عزّت مدامه قاسم
..
..
#قاسمیه #سیفی_اردبیلی #قاسمیه_شهادت #ترکی #زبدةالاشعار