8 شوال ، یوم الهَدم
.
.
علی شهودی
.
شهر یثربده بوگون کین اهلی طغیان ائتدیلر
دورد امامین مرقدین خاکیله یکسان ائتدیلر
.
وئردیلر فتوای تخریب قبور اهل بیت
عاشقان اهل بیتی دیده گریان ائتدیلر
.
ووردولار بیر یاره یارب پیکر اسلامه کی
تا ابد اسلامیانین قلبینی قان ائتدیلر
.
بیلمیرم یارب ندن ائتدی جسارت اهل کین
بارگاه زاده زهرانی ویران ائتدیلر
.
مجتبی و صادق و سجاد و باقر قبرینی
ائیلیب ویران و ترک دین و ایمان ائتدیلر
.
پوزدوالار آل اللاهین گلزارین آل جهل و کین
گلشن عاشقلری پوزقون بیابان ائتدیلر
.
یا رسول الله گل فریاده گوراهل عناد
ناجوانمردانه قصد بیت الاحزان ائتدیلر
.
بار الها قیل اوزون آل سعودی ریشه کن
سرزمین وحی ده چوخ نقض پیمان ائتدیلر
.
ائتدیلرحجاج اوچون کوی منانی قتلگاه
جانلارین حجاج اوگون معبوده قربان ائتدیلر
.
یارب اول گون لطف قیل چاتسین کی یازسین لارهامی
شیعه لر اول خاک پاکی باغ رضوان ائتدیلر
.
#بقیع
#شهر_یثربده_بو_گون_کین_اهلی_طغیان_ائتدیلر
#علی_شهودی
#ترکی
#زبدةالاشعا
زبدة الاشعار 
: @nohe_torki
نظر دهید