دوشوبدی تنگه کوفه ده سفیر دولتون حسین #مسلمیه_بیدقداری

زبانحال حضرت مسلم ابن عقیل (ع)
..
..
..
#سبک_دل_شب_ایلیوب_سفر (4 سبک سینه و زنجیر برای اجرا بدون واگیر)
ـــــ
#سبک_الهی_غملی_کوفه_نون (#جوادی)
واگیر : سوزولوب ستاره سی مسلمون / کسیلوبدی چاره سی مسلمون
ـــــ
#سبک_تا_مشکتو_تو_آب_زدی … #سبک_حسین_دوشوبدی_مقتله
واگیر:
آلوب لشکر دوره می تیز گل یاحسین جان
دونوب قان دریاسینه مقتل یا حسین جان
امیر لب عطشان
سفیرون ویرور جان
..
..
..
مرحوم حاج داود بیدق داری
..
..
..
دوشوبدی تنگه کوفه ده سفیر دولتون حسین
دگر بهشته قلبیده سنون محبتون حسین
..
..
..
..
اگرچه عمریمون حسین آخوب ایشیقلی کوکبی
دیوم بو گیر و داریده سنه بو غملی مطلبی
گتیرمه کوفه شهرینه بلاکشیده زینبی
غریب اولار بو شهریده او ماه طلعتون حسین
..
..
..
سن ای عزیز فاطمه عجب کرملی سن آقا
ئولنده باری باخ منه او گوزلره گوزوم فدا
منه محبّت ایلسون عوض وئرر یقین خدا
بسیمدی روز محشره سنون محبتون حسین
..
..
..
وفای عشقیمی سنه ئولن زمان نشان وئروم
باشیم دیزونده یا حسین گوزوم گوزونده جان وئروم
صفای وصل دلبری نشان قدسیان وئروم
یئتوردى عرشه باشیمی سنون ولایتون حسین
..
..
..
منیم کیمین هئچ عاشقین گل بهاری سولمادی
قانیلا هئچ بلاکشین بو نوعی جامی اولمادی
گذشت ائله دیشیم سینوب ادای مطلب اولمادی
دوشوبدی اقتداریدن سفیر دولتون حسین
..
..
..
طنابه باغلانوب قولوم اسیر دشمن اولمیشام
دولاندیروبلا کوفه نی بو شهریده وورولمیشام
چکوبله بسکه کوچه ده آقام جانی یورولمیشام
ولی خوشام جزا گونی چاتار شفاعتون حسین
..
..
..
غریب شهره یاحسین عجب عنایت ایلدون
سفیر عشقی لایق می شهادت ایلدون
منی فدای عزت حریم عصمت ایلدون
نقدری وار جانیمدا جان، واریمدی منتون حسین
..
..
..
..

#مسلمیه_بیدقداری #ترکی #زبدةالاشعار