یخدیلار آتدان منی کفار عمو #قاسمیه_عاصی_تبریزی

استمداد حضرت قاسم علیه السلام
..
..
..
..
مرحوم عاصی تبریزی
..
..
..
..
یخدیلار آتدان منی کفّار عمو
داده گل ای سیّد ابرار عمو
..
..
..
..
وئرمدی یول فرقۀ کافر منه
عرصه نی تنگ ائیلدی لشگر منه
ووردولار از بس دم خنجر منه
داده گل ای سیّد ابرار عمو
..
..
..
..
من یتیمی ای عمو سال یاده گل
یالقوزام بو عرصه ده امداده گل
قتلیمه قاتل اولوب آماده گل
داده گل ای سیّد ابرار عمو
..
..
..
..
نعشیمی قویما قالا میداندا خوار
گل منی بو ورطه دن ائیله کنار
ئولدورر ایندی بو قوم نابکار
داده گل ای سیّد ابرار عمو
..
..
..
..
اولما راضی عجز ائدوم جلادیمه
تز یتیش باری عمو فریادیمه
یوخدی بیر کیمسه یتشسون دادیمه
داده گل ای سیّد ابرار عمو
..
..
..
..
گر عمو عطشان ئولم یوخدور سوزوم
راضیم بو امره من دلدن اوزوم
انتظارم لیک وار سنده گوزوم
داده گل ای سیّد ابرار عمو
..
..
..
..
قیل قبول زحمت ای شاه جهان
باشیم اوسته گل وئروم آسوده جان
قاتلیم آخر عمو وئرمور امان
داده گل ای سیّد ابرار عمو
..
..
..
..
بیر یارالی آهو تک قوم لعین
سالدیلار دامه منی بو مشرکین
قالمیشام صیاد الینده بی معین
داده گل ای سیّد ابرار عمو
..
..
..
..
ورسالار هر قدر یاره خوشدلم
تشنه لب جان وئرماقا چوخ مایلم
قورخورام من گل یوزون گورموب ئولم
داده گل ای سیّد ابرار عمو
..
..
..
..
چاره می کسدی منیم قوم عدو
گورمدیم بیرده جمالون من عمو
قویما گوگلومده قالا بو آرزو
داده گل ای سیّد ابرار عمو
..
..
..
..
آخدى قان از بس عمو باتدی نفس
وئرگیلن فریادیمه سن بیرجه سس
ای اولان من بی پناهه دادرس
داده گل ای سیّد ابرار عمو
..
..
..
..
آلدی لشگر دوره می تدبیریله
آچموشام عنقا کیمی پر تیریله
دوغرانوب جسمیم دم شمشیریله
داده گل ای سیّد ابرار عمو
..
..
..
..
آز قالور آخر ایچم جام أجل
دورما ای بی کس عمو فریاده گل
تاپدیلار آخر منه دشمنلر ال
داده گل ای سیّد ابرار عمو
..
..
..
..
آغلا عاصی گر گوره آغلار گوزی
بول وئرر سوز صاحبى اجرون اوزی
بیرده یاز قاسم دیلنجه بی سوزی
داده گل ای سیّد ابرار عمو
..
..
..
..
#قاسمیه #عاصی_تبریزی #قاسمیه_شهادت #ترکی #زبدةالاشعار