سس دوشوب دعوایه سرلشگر گلور #عباسیه_غمکش

عزم میدان حضرت ابوالفضل (ع)
..
..
..
مرحوم غمکش
..
..
..
سس دوشوب دعوایه سرلشگر گلور
الده پرچم خطّ شکن حیدر گلور
بو گلن حسّاسیدی
تیغه ی الماسیدی
ای قوشون یکسر قاچون
حضرت عبّاسیدی (۲)
..
..
..
..
مرکز میدان یئریندن لاخلادی
قلب شمری هیبتیندن داغلادی
صولدا پرچم ساقدا تیغین ساخلادی
گورمگه معناده پیغمبر گلور
بو گلن حسّاسیدی
تیغه ی الماسیدی
ای قوشون یکسر قاچون
حضرت عبّاسیدی (۲)
..
..
..
..
تلیّدن مولا با خوردی یکسره
خواهری سسلردی قربان اللره
بنذیوردی هر نگاهی حیدره
گوردولر سقّای بی یاور گلور
بو گلن حسّاسیدی
تیغه ی الماسیدی
ای قوشون یکسر قاچون
حضرت عبّاسیدی (۲)
..
..
..
..
شاه مردان اوغلی مردانه گئدور
عشقیله کوی شهیدانه گئدور
مرحبا شیر اوغلی میدانه گئدور
عرشیدن احسن اونا یکسر گلور
بو گلن حساسیدی
تیغه ی الماسیدی
ای قوشون یکسر قاچون
حضرت عباسیدی (۲)
..
..
..
..
باج آلور ایثاره باخ افلاکیدن
قوزانور تکبیری قلب پاکیدن
قور خوشوردی هامی اول بی باکیدن
مرکز دعوایه بیر افسر گلور
بو گلن حسّاسیدی
تیغه ی الماسیدی
ای قوشون یکسر قاچون
حضرت عبّاسیدی (۲)
..
..
..
..
آلدی میدانی علمدار حسین
عاشق سرمست بیدار حسین
عشق ایله سنده عزادار حسین
داده مولاسی اونون محشر گلور
بو گلن حسّاسیدی
تیغه ی الماسیدی
ای قوشون یکسر قاچون
حضرت عبّاسیدی (۲)
..
..
..
..
#عباسیه #غمکش #عباسیه_شجاعت #ترکی #زبدةالاشعار