بو قان اولان اورگیمدن منه گلور بو خبر #حضرت_رقیه_دخیل

زبانحال حضرت رقیّه (س) در خرابه
..
..
..
مرحوم دخیل
..
..
..
بو قان اولان اورگیمدن منه گلور بو خبر
یقین که اوخشاماز اوزگه سفرلره بو سفر
..
گجه گلنده نَدَن گلموری یوخی گوزیوه
حسین حسین دیوسن صبح اولونجا ئوز ئوزیوه
..
بابامدان اوزگه حسین آدلی کیمدی عالمده
که ذبح اولوبدی سوسوز دهم محرمده
..
حسین ساقدور اگر بس کیمین قراسیدی بو
باشون قرالی گوزون سرمه سیز پریشان مو
..
اگر واریمدی آتام گیموسن ندن نیلی
سبب ندور منه هر کیم یتور وورار سیلی
..
ندن باخاندا منه اشگ خون توکوسن
یتیم لر کیمی دائم باشیما ال چکوسن
..
اگر اولوب آتامین مکه ملکینه سفری
ندور یوزومده منیم بو یتیملوق اثری
..
ندندی بس حرمی باشه قاره باغلالّار
منیم یوزیمه باخاندا تماماً آغلالّار
..
بابام صاق اولسا اگر گاه گاه بیر گوله سن
باخاندا من نه که گیزلینجه گوز یاشین سیله سن
..
اگر سفرده دی اکبر ندور بو واویلا
کیمین قراسینی باشه سالوب آنام لیلا
..
بویور گوروم منه گر ئولمیوب عموم عباس
خرابه گوشه لرینده کیمه دوتوبسوز یاس
..
به عزم مکه بیری گیتسه ملک بطحایه
اونون عیالینه عالم گلر تماشایه
..
گواه سن دلیمه لخته لخته قان دوزولوب
گوزل عمومدان آتامدان منیم الیم ئوزولوب
..
نقدر جام گویول لخته قانیله دولاجاق
نه وقته دین بو خرابه منه مکان اولاجاق
..
که جام گلشن فرقتده عندلیبم من
حجاز دور وطنیم شامده غریبم من
..
سه بیت آخر از مرحوم تائب تبریزی است
..
..
..
#حضرت_رقیه #دخیل #حضرت_رقیه_شهادت #ترکی #زبدةالاشعار