مجلس یزید
..
..
..
..
مرحوم نجمی تبریزی
..
..
..
..
باخما یزید ایندی یوخ شامده بیر پناهیمیز
سندن اولور که بیر گونی داد آلا دادخواهیمیز
..
..
..
..
سانما حقیر بیزلری مهر و محبّت اهلیوخ
فقریله واردی فخریمیز جمله قناعت اهلیوخ
شاه ولادی پیریمیز عشق و طریقت اهلیوخ
کنج خرابه دور بیزیم شامده خانقاهمیز
..
..
..
..
بیز هارا شام شوم هارا بزمگه شراب هارا
اهل فرنگ و روم هارا عترت بوتراب هارا
چنگ و رَباب و نی هارا لیلی هارا رُباب هارا
عصمت حقّ داوروخ شرم و حیا گواهیمیز
..
..
..
..
بیز هارا بزم عیش هارا درد و غم و بلالیوخ
قانه دونوبدی باغریمیز باشی گونی قرالیوخ
نچّه جوانیمیز ئولوب بیز هاموموز عزالیوخ
چشمه کیمی اودور آخور صورته گوز میاهمیز
..
..
..
..
باخما بیزه بو حالیله سانما که ساغر اهلیوخ
شیر خدا عیالیوخ زمزم و کوثر اهلیوخ
بسدی بیر آز اوتان حیا ایله پیمبر اهلیوخ
مصحف حق کتابیمیز کعبه دی قبله گاهیمیز
..
..
..
..
آینه تک بورونموشوخ باخما که خاک راهه بیز
مونس مطلقوخ گنه طوطی پادشاهه بیز
آی باشا چخسا باخماروخ صدر فلک ده ماهه بیز
مُنخَسف اولدی چون فرات اوسته ایشیقلی ماهیمیز
..
..
..
..
کرب و بلاده باغلادی قلب فگاریمیز وَرَم
ویردیله آل حیدره درد و مصیبت و آلم
اسدی او دشتده ز بس شدّتیله سموم غم
سولدی سارالدی غصّه دن یکسره گل گیاهیمیز
..
..
..
..
اولدی او چولده باعزیمیز ظلمیله پرده پرده قان
بیر دولی گلستان دن قالمادی غنچه ده نشان
قانه بویاندی بیر به بیر یاوریمیز قوجا جوان
ویردی سو اوسته قوللارین شوقیله سر سپاهیمیز
..
..
..
..
دشمن او غملی دشتده مقصده چاتدی آغلادوخ
بختیمیزین ستاره سی گون کیمی باتدی آغلادوخ
عزّت و شان و شوکتین پرچمی یاتدی آغلادوخ
یاندی خیام غارته گئتدی جلال و جاهیمیز
..
..
..
..
سولدی سارالدی ظلمیله گول لریمیز او دشتده
قالمادی بیر نفر داخی یاوریمیز او دشتده
بیرقیمیز یاتوب سنوب لشکریمیز او دشتده
ئولدی قوم اوسته تشنه لب یاره لی پادشاهیمیز
..
..
..
..
وورما او باشی شرم ایله قزلاری طاقت ایلمز
قانلو یارالى بیر باشا کیمسه سیاست ایملز
جاری نجه حرم لری اشگ مصیبت ایلمز
هاردان اولور اوجالماسون گویلره دود آهیمیز
..
..
..
..
وورما شل اولسون اللرین چوب جفا دوداقینه
هیچ کیم ایوینده ایلمز جور و جفا قوناقینه
بو عملون اولور سبب بسکه دل احتراقینه
آغلادوسان ندن بیزی واردی مگر گناهیمیز
..
..
..
..
گون کیمی ئوز شقاوتون عالمه آز عیان ایله
قلب پیمبری بلا تیرینه آز نشان ایله
گوز یاشین آل حیدرین شرم ایله آزجا قان ایله
نچّه زماندی قان اولوب بسدی دل تباهیمیز
..
..
..
..
جاه و جلال دهردن بیز هاموموز ال اوزموشوخ
گوهر درد و محنتی رشتۀ جانه دوزموشوخ
هر نه قدر بلا یتوب عشق یولوندا دوزموشوخ
کوی وفاده اولمیوب بیر قدم اشتباهیمیز
..
..
..
..
بیر یارا هانسی دلده وار دلده کی یاره میز کیمی
هانسی ستاره دور باتا بخت ستاره میز کیمی
غربت اسیر یوخ هامی باشدا کی قاره میز کیمی
شامده شامگاه اولوب دردیله صبحگاهیمیز
..
..
..
..
قافیه گر چه ضیقدور فکر یتوب نهایته
خوشدی ولیک دل دوشه نوحه یازاندا زحمته
نجمی گلایه ایله مه ایله اراده خدمته
اجر ویرر جزا گونی خدمتیوه اِلاهیمیز
..
..
..
..
#مجلس_یزید #نجمی_تبریزی #ترکی #زبدةالاشعار
نظر دهید