سس دوشدی اذن آلدی گیدیر هیجایه اکبر #اکبریه_اعظمی_تبریزی

احوالات حضرت علی اکبر (ع)
در موقع عزیمت به میدان
..
..
..
سبک ها: #سبک_ای_درد_بی_درمانلارا … و با اضافه کردن واگیر : #سبک_یا_فاطمه_من_عقده_دل_وا_نکردم … #سبک_مستان_همه_افتاده_و_ساقی_نمانده … #سبک_ای_کربلانون_تشنه_لب_قربانی_قاسم
..
..
..
..
مرحوم اعظمی تبریزی
..
..
..
..
..
سس دوشدی اذن آلدی گیدیر هیجایه اکبر
تا ضرب شصتین بولدوره دنیایه اکبر
..
..
..
..
..
سالدی خیامه بو خبر بیر شور و غوغا
قربانگه عشقه گیدور دلبند لیلا
گلسون خلیل الله بو گون ایتسون تماشا
گورسون نجه عزم ایلوری هیجایه اکبر
..
..
..
..
..
عشقین قطارین وورمادى بیر لحظه لنگه
باخموب سپاهه ازدحام تیپ و هنگه
گیدی کفن شوقیله اعزام اولدی جنگه
ایندی توکّل ربیّ الاعلایه اکبر
..
..
..
..
..
آلدی مجاهد منصبین اول مه شمایل
نور أیستدی ظلماتیله اولسون مقابل
تا باغلادی شمشیر ایدوب قرآن حمایل
حمد و ثنا ایلوب حق یکتایه اکبر
..
..
..
..
..
چیخدی حرملردن اولا عازم قتاله
گوردی رقیه غرقدور بحر ملاله
دین شوقی باشیندیدی چون باخموب او حاله
تا سرو تلک سالدی آت اوسته سایه اکبر
..
..
..
..
..
آت اوسته غمدن عارضه گوز یاشی آخدی
دوندی خیامه حسرتیله بیرده باخدی
اما او باخماق یاندیروب دنیانی یاخدى
حسرتله اود ووردی دل لیلایه اکبر
..
..
..
..
..
بیر ایله لشکر بیر جوان تشنه بیکس
گل منتظر قویما بیزی هر آن گلور سس
اما مبارز ایستدوقجا قوم ناکس
قرآن تلاوت ایلور آیه آیه اکبر
..
..
..
..
..
صفلر قباقینده گلوبدور تا دایاندی
اوّل رجز سویلوب آت اوسته بیر دولاندی
گیتمیشدی هوشه قوم کین گویا اویاندی
حیدر دی بو یا عزم ایدوب دعوایه اکبر
..
..
..
..
..
سسلندی ای لشکر منم شبه پیمبر
دلبند لیلایم آدیم شهزاده اکبر
سسلر کسیلدی دوشدولر تشویشه لشکر
سالدی عجب دشمن باشین غوغایه اکبر
..
..
..
..
..
بو گون گرک تیغیله اود جانه سالام من
گلدیم ئولنلر قانینی سیزدن آلام من
انصار دین ئولسون روادور که قالام من
قاندان گرک دینه ویره پیرایه اکبر
..
..
..
..
..
عمّامه سین باشینده محکم ایتدی اوّل
تا قبضۀ شمشیره غیظیله آتوب ال
سسلندی بیر الله اکبر شبه مرسل
ووردی نهنگ آسا اؤزون دریایه اکبر
..
..
..
..
..
سالدی سپاهی ضرب شصتی اضطرابه
شیر خدا تک گوستروب مهمیز عقابه
مور و ملخ تک لشکری توکدی ترابه
صولتده وارثدی شه بطحابه اکبر
..
..
..
..
..
بنزردی شمشیری الینده اودلی برقه
منشق ایدوبدور تا دگوبدی هانسی فرقه
ویردی نشان اؤز ضرب شصتی غرب وشرقه
بیر اود سالوبدور خرمن اعدایه اکبر
..
..
..
..
..
میدانی دولدورموش ایله دشمن صداسی
گلمور قولاقه لشکرین من من صداسی
عرشه اوجالمیش مرحبا احسن صداسی
ایله سالو بدور لشکری ایذایه اکبر
..
..
..
..
..
یاز (اعظمی) بو شرح حالی اولما خسته
سنده بو گون احسن دینه اول ضرب شصته
توکدی نجه توپراقه فوجی دسته دسته
تا ضرب شصتین بولدوروب دنیایه اکبر
..
..
..
..
..