چون شامده یتشدى مصیبت نهایته #کوچ_شام_خوندل_تبریزی

عزای شهدای کربلا در شام
کوچ از شام
..
..
..
..
مرحوم خوندل تبریزی
..
..
..
..
چون شامده یتشدى مصیبت نهایته
راه نجات اولدی فراز آل عصمته
..
پیش آمد ایتدی بیر نچه عامل یزید اولوب
ظاهرده نادم ایتدیقی جرم و جنایته
..
اما هزار حیف ثمر سیزدی بو عمل
معکوس بیر نتیجه آلار بو ندامته
..
تصمیمی بو اولار ایده جبران خطاسینه
هیهات او شوم نایل اولا بو سعادته
..
ایجاب ایدوبدی وضع او ظالم خانملاری
ایتسون روانه یثربه شهر هدایته
..
اولماز نتیجه بخش یزیده ولی اولار
بیر رهگشای راه اولا آل طهارته
..
معناده اولماموشدی پشیمان او کوردل
مرعوبیدی که صدمه یتیشسون ریاسته
..
اولماز امامی ئولدوره نون توبه سی قبول
اولسا غضب مبدّل اولار لطف و رحمته
..
آل اللهین حضوری اونی سالدی وحشته
بیر پاره فکر ایدوب یته غمدن فراغته
..
احضار ایدوبدی حضرت سجّادی عرض ایدوب
گچدی گچن اولوبدی اولان باخ وقاحته
..
هند اوغلی گور هارا یتوروب ئوز جسارتین
سجّاده دل آچوبدی او ظالم نصیحته
..
مرجانه اوغلونی دیدی الله ذلیل ایده
باعث اودور بو قتله بو فاحش خیانته
..
قالساز اگر بو شهرده آزاد سوز، سیزه
اولماز اولان بو شامده مانع اقامته
..
گر میلوز اولسا گتماقا شهر مدینیه
آزاد سوز یتیشدى اسارت نهایته
..
فرمایش ایتدی منده گرک عمّه می گورم
مأمور ایدوب آتام اونی رسماً کفالته
..
آگاه اولوبدی زینب کبرا قضیّه دن
لازم گوروب ضرورتی اتمام حجّته
..
سجّاده ایتدی مطلبی روشن بو طرزیلن
چون اهل شام اولمیوب آگه حقیقته
..
ایمدی بیزی چوخی بولارین خارجی بولور
لازمدى امر واضح اولا اهل بدعته
..
ابهام وار اوغول على امر قضیّه ده
ایجاب ایدر لزومی اونون منده همّته
..
آل الله اولماقی بولارا روشن ایلیم
تا شرمسار اولا دل آچانلار ملامته
..
خورشید چرخ عشق گل اندود اولا محال
یا ماهتابی ابر ایده تبدیل ظلمته
..
بیرده گرک ئولنلریمه من دوتام عزا
تسکین اولا گویولده کی سوز حرارته
..
القصّه بیر عزا دوتولوب شهر شامده
دربار یا خرابه دونوب دار محنته
..
دشمن ایوینده زینب اولوب تعزیت نشین
آغلار حسینه باخ اثر واقعیته
..
آزاد آغلیوبله خانملار ئولَن لره
طعن ایلینلری بو عمل سالدی وحشته
..
چوخلار گلوب او بزم ده شامین خانم لاری
دل آچدی اعتذاره خطادن صیانته
..
اهل حرم بولود کیمی دولدوردولار گوزی
گوزیاشی یاغدیروبدیلا حسرتله صورته
..
کلثوم گلدی شوره خانم زینب آغلادی
همناله اولدی قزلار او خاتون عصمته
..
تا آغلیوب دویوب یورولوب آل بو تراب
وقت اولدی کاروان اولا حاضر عزیمته
..
ایتسون وداع زینب کبرا رقیّه نی
ویرانسرایه گلدی دوباره بو نیّته
..
بیر باخدی یاندی گوز یاشینی توکدی آغلادی
پوزقون مزاره عامل اولوب اشکی نزهته
..
فرمایش ایتدی قارداشیمون یادگاری دور
من تاپشوروم سنی نجه بو کنج خلوته
..
دوزدور گیدور مدینیه بو قافله قزیم
مقصد وطندى عترت ختم رسالته
..
اما یول اوسته بو سفرین کربلاسی وار
عازمدى اهل قافله اوردا زیارته
..
یاتما بو توزلی قبرده غربتده دور گیداخ
ترجیحی کاملاً وطنین واردى غربته
..
القصه بولمورم نجه قبریندن آیریلوب
یوخدور یولوم خانمدا اولان معنویته
..
چون آخرین وداعده شاه شهید ئوزی
تاپشوردی اهل بیتینی بو کان عفّته
..
ایمدی رقیّه سیز نجه گتسون گیدنموری
معیار یوخدی زینب کبراده خجلته
..
..