قتلگاهوندا قوپوبدور نجه طوفان یارالی #کوچ_کربلا_فغانی_تبریزی

کوچ از کربلا
زبانحال حضرت زینب (س)
..
..
..
..
حاج یحیی فغانی تبریزی
..
..
..
..
قتلگاهوندا قوپوبدور نجه طوفان یارالی
موج ايدور سینه ون اوستونده قزل قان یارالی
..
..
..
..
نطقه گل منله دانش ای کشته قوم زبون
سن حسینیم سن منیم ای توپراق اوسته غرق خون
بولمورم اولمور ندن بو چرخ وارون واژگون
وار يئرى عالم لر اولسون جمله ویران یارالی
..
..
..
..
زینبین قارداش سخشمور فکر و عقل و هوشینه
سن دَیوردون ناز ایدن حوری لرین آغوشینه؟
سن دَیوردون فخر ایدن ختم رسالت دوشینه؟
قالموسان ایمدی ندن بو چولده عریان یارالی
..
..
..
..
گرچه سنسیز روبرو دور چوخ مشقتله باجون
یانوری اودلانوری اوزگه مصیبتله باجون
تانیسون قارداشینی هانسی علامتله باجون
نقشه ی جسموی پوزموش داخی عدوان یارالی
..
..
..
..
کسیلن ای باشی لب تشنه سوسوز خنجريله
ای مزیّن بوغازی بوسه ی پیغمبریله
قاتلونده نه عداوت وارميش حيدريله
انتقام آلدی عجب ملّت سفیان یارالی
..
..
..
..
گلشن عمرومه بنزر بو گلستان که سولوب
گوندوزون گون چاقی باخ نسگله گل پرپر اولوب
سهلدور پر پر اولوب بولمورم آخرده نولوب
توپراقیله گل اولوب گورنجه یکسان یارالی
..
..
..
..
بو گیچن گون کربلاده گرچه وقت کارزار
دوشدولر توپراقلار اوسته یاوران نامدار
هیچ بیری اما سنون تک اولمیوبدور زخمدار
بولميوب شمر سنی یوخسا مسلمان یارالی
..
..
..
..
گوندوزون گون چاقی اولدی گوزومه لیله ی داج
خرد اولوب سنگ جفائیله بو مشکات سراج
خشک بند ایتماقا بو یاره لری یوخدی علاج
بند بندیندن اولوب پیکر شان شان یارالی
..
..
..
..
ای سیه پوش اولونان یاره سی همچون گل یاس
نه جسارت لر ایدوبدور سنه بو ارذل ناس
هیچ یارا قلبوون اولماز بو یاراسیله قیاس
گیچمه سین خالق حق نیزه ووراندان یارالی
..
..
..
..
چوخ پریشان دی مشوّش خاطریم بو نکته دن
یئر گویون سلطانینه یوخدی بو صحراده کفن
نیلیوم گلمور اليمدن بیر ایش ای شاه زمن
پیکرون یوخسا قویاردیم قالا عریان یارالی
..
..
..
..
ای قوری پئرده سوسوز قانلی تراب اوسته یاتان
زینبین جانی فدا اشکیمی ای قانه قاتان
سهلدور که سنه قرباندی هامی خلق جهان
هم آنام هم آنام اولسون سنه قربان یارالی
..
..
..
..
توپراق اوستونده اگر خوش سان عزیزیم یاتاسان
یات ولی یوخ یئری بو زینبی گوزدن آتاسان
گور روادور گوزومون اشکینی قانه قاتاسان
ایویمی یخدی منیم بیر گیجه هجران یارالی
..
..
..
..
من همان زینب خوشبخت که خوش اختریدیم
الّی بش ایل سنه ای راحت جان خواهریدیم
هم سنه خواهریدیم غم گونی هم مادریدیم
بیر یاریم گونده دونوب گردش دوران یارالی
..
..
..
..
سایه ی لطفووه بیر عمر باجون دالدالانوب
لطفوون سایه سینه ما خلقه سایه سالوب
خیمه دن قتلگهه یول سالالی چوخ قوجالوب
چاره سیز درده دوشوب زینب نالان یارالی
..
..
..
..
شعله ی آتش هجرانه داخی یانمالییم
جان وئرينجه باشما قاره لچگ سالمالییم
سنه حسرت دیه سن حشره کیمی قالمالییم
نه یامان دردیدی دنیاده بو هجران یارالی
..
..
..
..
ای شه گردون شرف نیکو حسب عالی نسب
امر ایله قیزلاروی وورماسون اوباش عرب
خاصه بو شمره بیور ایله مسون بیرده غضب
قورخودان قیزلار اسیر چون گل ریحان یارالی
..
..
..
..
سن دونن آخشام زمانی ظلمیله اولدون شهید
غارتِ اخيامه ال آچدی او دم قوم پلید
غارت اوضاع سین نه من عرض ایلیوم نه سن ایشید
ايليوم من نجه غارت سوزون عنوان یارالی
..
..
..
..
بولمورم هیچ هارا ختم اولمالی دور آخر کار
بس دیور کیم ایویمی یخدی منیم بو روزگار
باغلیوبدور قولومی شامه چکر قوم شرار
هیچ دیمور زینبین اولموش دیلی شان شان یارالی
..
..
..
..
ای شهنشاه دو عالم منطق عزّتيله
جوهر ذاتی مخمّر اولونان شوکتیله
دور بیله یاتما قوری یئرده باجون حسرتيله
آیریلور سندن اولا عازم زندان یارالی
..
..
..
..
سن تجرّد عالمینده تاپموسان وحدت بو گون
وحدت محض ربوبی فارغ کثرت بو گون
قرب وحدتده وئروب يئر خالق عزت بو گون
قتلگاهه غبطه ایلر عرش رحمان یارالی
..
..
..
..
ای «فغانی» کوچدی گیتدی بلبلان خوش نوا
«شیعۀ خلص وثاقی مونسی و رهنما»
«باهر و طهبازیله شیرازه باف و مصطفی»
خاصه «عابد» که یازوب بیر دولی دیوان یارالی