ای گوگل غم یمه چوخ دردیوه درمان گلجک #مهدیه_غفاری_زنجانی

آرزوی ظهور حضرت امام زمان عجل الله فرجه الشریف
#گریز به زبانحال حضرت رباب (س) در شهادت حضرت علی اصغر(ع) در روز عاشورا
..
..
..
..
حاج اکبرغفاری زنجانی
..
..
..
..
ای گوگل غم یمه چوخ دردیوه درمان گلجک
جسم بی جانلارا بیر گون اولاجاخ جان گلجک
..
چوخ داریخما بونا ظلمتده یاشور اهل جهان
ایتمگه عالمی روشن مه تابان گلجک
..
منتظر باخ دیورم شمس هدایت یولونا
یا بوگون یا سحر اول مهر فروزان گلجک
..
کعبه سمتین نظره آل اوخی تعجیله دعا
کعبه دن ظاهر اولوب مهر درخشان گلجک
..
بیلمورم حق نیه تأخیره سالوب حجّتنی
هاچان اول وعده سینه ساعت پایان گلجک
..
ملل مسلمه حاکمدی بو گون قوم یهود
ویرمگه وضع زمانه سر و سامان گلجک
..
عدل و دادیله سراپا دولاجاقدور بو جهان
حکم قرآن اولاجاق مجری فرمان گلجک
..
هرنه ابلیس صفت وار اولاجاخ خوار و ذلیل
اهرمنلر اولاجاخ خوار، سلیمان گلجک
..
باغبان گلسه دَرَر خاری اَکَر گول چمنه
ایتماقا یر یوزونی روضۀ رضوان گلجک
..
ایده جاخ شاد ستمدیده لرین قلبلرین
ریشۀ ظلمی کسه یار ضعیفان گلجک
..
شهدانون بالاسی دائمی دلخوشدی بونا
اولوب الهام اولارا خسرو خوبان گلجک
..
بعضی سویلر خبر آلسام من آنامدان بابامی
صاحب عصر گلنده دیر اونلان گلجک
..
آناسی فاطمه نون یاد ایده جاخ محنتنی
آنا وای دیلده آقا دیده سی گریان گلجک
..
نه روا فاطمه نون مرقدی گیزلینده قالا
ایتماقا مرقد زهرانی نمایان‌ گلجک
..
جدّنون‌ کسدی باشین شمر دغا تشنه جگر
یرده دور قانی هله وارث اول قان گلجک
..
قورا جاخ محکمه محکوم اولا اشرار زمان
قورولان محکمیه خولی نادان گلجک
..
مطبخین ایچره یاتوردان او گرامی قوناقی
چاتا ئوز کیفرینه صاحب مهمان گلجک
..
صود امنلر اولی شاد اولسا قصاص حرمله لر
جمله آهولری ایمن ایده اوخدان گلجک
..
ایله بیر ظلم ایلیوب حرملۀ شوم دنی
گر یازام نالیه زهرای پریشان گلجک
..
سالاجاخ یاده او قوش تک ال ایاق چالماقینی
بو عزاخانیه اول مفخر نسوان گلجک
..
نه ده اصغر کیمی بیر عالمه مظلوم گلر
نه ده بیر حرمله تک سنگ دل انسان گلجک
..
یولا سالموشدی رباب اصغری سیراب ایده لر
نه بُلوردی اولاجاخ قانینه غلطان گلجک
..
..
..
..
صبرینون نخلنی غم سیلی که ایستردی یولا
هی باخوردی نگران مضطرب حالتده یولا
..
..
..
..
گه دیوردی آناسین ای قویان آواره علی
سن گیدن یولّارا گوز تیکموشم همواره علی
..
ایلیوب رفع عطش خیمیه بیرده گلسن
بودی فکریم دولانام باشوه مه پاره علی
..
همّ و غمّیم بودی اوغلوم سنی سیراب ایده لر
بیرده سالم گلن آغوشِ بو غمخواره علی
..
باخسا هرکیم سارالان رنگیوه دلدن پوزولار
گوز یاشین جاری ایدر من کیمی رخساره علی
..
کاش بیر رحمه گلیدی سپه کفر و نفاق
ایلین وقتده اول حالیوه نظّاره علی
..
سویی دریانون آزالماز سنه چاتسا بیر ایچیم
دییلر کاش بونی لشکر جرّاره علی
..
بال و پر ویرمازدون قوش کیمی ای تشنه جگر
سالدی ظلم اهلی سنی گور نجه آزاره علی
..
آنا بو فکریده ناگه دیدولر گلدی بالان
اوخشیور باخدی گوروب لالۀ گلناره، علی
..
نازدانه بالاسین قاننه غلطان گوردی
دیدی ای وای منی قویدی غمین آواره علی
..
سنی سالم یولا سالدیم گنه سالم گله سن
گله سن فکر ایلمزدیم بوغازون یاره علی
..
نه بیلیدیم من علی صود امری اوخلاللار
رحم ایلله دیدیم طفل لبن خواره علی
..
صود امر حلقی هارا زهریلی اوچ پر اوخ هارا
باشیمه سالدی بو غم تا که واورام قاره علی
..
حلقوی پاره لین اوخدی و یا خنجریموش
که قولاقدان قولاقا حلقون اولوب پاره علی
..
بو اوخون مثلی ایشیتدیم دگوب عباس عمووا
اوخلانوب آنّی اونون لشکر اشراره علی
..
سنه سو آلماقا گیتموشدی او دریای وفا
ظلم بی حد اولونوب بیلدیم او سرداره علی
..
قولاری اولدی قلم مشکین آلوب دندانه
مکر ایدوب اهل ستم وارث کرّاره علی
..
قویمادی لشکر اونی خیمه لره سو گتوره
قهرمانلار ایدر افغان او علمداره علی
..
آتش تشنه لوقون اولمادی افسوس خموش
اولا تسکین محن تا بو دلفکاره علی
..
ای سحر اولدوزوم آخر نیه سن تز باتدون
ایتمدون رحم آنان دیده سی خونباره علی
..
گوزه گلدون دیه سن بد نظره توش اولدون
صدمه ایکاش یته دیدۀ اغیاره علی
..
بیرده سندن صورا خوش گون گورم هیهات اوغول
گوندوزوم بنزیه جکدور که شب تاره علی
..
نظر لطفله باخ نوحه یازان احبابه
گوزتکوب لطفوه «غفاری» بیچاره علی