زبانحال حضرت مسلم علیه السلام
.
✍️ زبدة الاشعار ✍️
?: @nohe_torki
.
مرحوم تائب تبریزی
.
ئولدوروللر اهل کوفه میهمانی یاحسین
گلمه آغلار قویما آل مصطفانی یاحسین
.
نامه ده گرچه پیمبر اوغلی یازدیم من ازل
اهل کوفه ایلدی بیعت منه بوشهره گل
ایندی گلمه لیک واردور فعلیده عکس عمل
ئولدوروللر مسلم بی خانمانی یاحسین
.
کوفه ایچره بیعتی سندیردی اشرار زَمَن
نقض عهده چکدیلر قول فرقۀ پیمان شکن
اولدی دللرده اولان گزلین عداوتلر عَلَن
ائتدیلر ظاهر هامی کین نهانی یاحسین
.
انقلابه باشلادی بو کوفیان بی وفا
رحمسیزلر جسمیمه سانسیز ووروب زخم جفا
گلشن عمریم منیم مشگل تاپا بیرده صفا
نوبهار عمریمون یتدی خزانی یاحسین
.
دشمنه توش اولموشام هرسمته من یول سالمیشام
یاره اوستوندن یارا بو خسته جانه آلموشام
دادرس یوخ قان توکن جلّاد الینده قالموشام
اولموشام کثرتده وحدت هم زبانی یاحسین
.
اولدولار اوّل مبارز بو هنرور شیریله
گوردولر فائق دگوللر روبرو شمشیریله
سالدیلار گوداله آخر حیله و تزویریله
صید ائدوب روباه لر شیر ژیانی یاحسین
.
بیرکسیم یوخ قاتل خونخواردور صاق وصولوم
تیغیمی الدن آلوبلارقطع اولوب چاره یولوم
آچدیلار جرأت الی ظلمیله باغلاندی قولوم
قوللاریمدا وارعداوت ریسمانی یاحسین
.
بیرغریبم نچّه مین اشرار الینده قالموشام
آشنا یوخدور منه اغیار الینده قالموشام
بیرگل پژمرده ام مین خار الینده قالموشام
ای گل وگلزار دینون باغبانی یاحسین
.
نه بُلوللر بو گروه کینه پرور ننگ نام
نه ائدوللر رسم شرعیله قوناقه احترام
نه باخوللار که منم بیر نائب خاص امام
ئولدوروللر ظلمیله بو باغریقانی یاحسین
.
نه باخوللار نسبتیم طاهایه وا بطحالیَم
نه باخوللار سیّدی من شهر عشقه والیَم
نه باخوللار نائب پور علیِّ عالیَم
هی ووروللار یاره اوستوندن یارانی یاحسین
.
یوخ دییَن مسلمدی ای اهل ظلام ئولدورمیون
بیرغریبون قتلینه ائتمون قیام ئولدورمیون
شرمسیزلر شرم ائدون نایب امام ئولدورمیون
قتلیمی واجب بولور بوقوم جانی یاحسین
.
ائل اوزاق چاتمور الیم یوخدور سسیمه سس وئرن
حالیمه نه بیر یانان وار نه منه امداد ائدن
ازدحامیله آلوب اطرافی سانسیز قان تؤکَن
قصد ائدوبلر بیر نفر بی اقربانی یاحسین
.
دعوت اولموشدوم قوناق گرچه بو محنت خانیه
دستگیر اولدوم ولی بو یرده قوم جانیَه
باری سن گلمه اماندور کوفۀ ویرانیه
ابتلایه سالما آلِ مصطفانی یاحسین
.
حیف دور شبه پیمبر اکبر تازه جوان
روزو شب لیلا قویوب اول نوجوان اوستونده جان
ئولدوروللر اکبر گلگون قبانی کوفیان
هجری مجنون ایلر اول مجنون نمانی یاحسین
.
بی حیادور کوفیان ظلمینده چوخ طغیان ائدر
قاسم سیمین عذاری قانینه غلطان ائدر
قرمزی قانی حنا تک اللرین الوان ائدر
نسگلی آغلار قویار آل عبانی یاحسین
.
گلمه بو شهره سالاللا چوخ بلایه باشیوی
قانیله ممزوج ائدوللر کوفیان گوز یاشیوی
ئولدوروللر حضرت عباس تک قارداشیوی
قامت سروین اولار غمدن کمانی یاحسین
.
گلمه گلسن سولدورالّار گلشن پیغمبری
تیریله سوددن آچالّار شیر خواره اصغری
سینه سی اوسته قالار بیکس ربابین اللری
دائم آغلار اوخشار اُول نجم سهانی یاحسین
.
ای شه دین وی اولان فوج ملائک موکبی
گلمه بو شهره دانوب بو قوم دین و مذهبی
گلسن اهل کوفه قارداشسیز قویاللار زینبی
آغلاداللار حضرت خیرالنّسانی یاحسین
.
گلمه بو شهره بو کوفه اهلی اطرافون آلار
ئولدوروللر اهل بیتون باشینه قاره سالار
سن شهید اولسان حیالی قزلارون باشسیز قالار
دستگیر ایلر عدو آل عبانی یاحسین
.
بیر نچه احباب بیرده اکبر آدلی نوحه خوان
جمعیدوخ باهم بیزی کاغذچی ائتدی میهمان
اوردا یازدی بو کلامی «تائب» شیرین زبان
قبریوه ایسته بو جمعیله یازانی یاحسین
.
#سبک_زینبم_جان_اوستیم ( 4سبک)
.
#مسلمیه
#ئولدوروللر_اهل_کوفه_میهمانی_یاحسین
#تائب_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید